Әуезді демалыс
Бүгін сағат 18.00-де «Астана Опера» театрында «Музыкалық демалыс» атты концерт өтеді. Бұл – республикамыздың жетекші шығармашылық білім ордалары мен шетелдің беделді оқу орындарында білім алып жатқан дарынды қазақстандық студенттердің екінші концерті.
Кеште П.Чайковский атындағы Мәскеу мемлекеттік консерваториясы, Брюссель Корольдік консерваториясы (Бельгия) студенттері отандық авторлар мен классик композиторлардың туындыларын орындайды. Атап айтқанда, Томирис Әли (фортепиано), Батырхан Сүлеймен (фортепиано), Эльнұра Русланбекқызы (скрипка), Лаура Құлекешева (сопрано) бар. Концертмейстер – Зәру Жазықбаева.
Бағдарламада Р. Шуман, С. Рахманинов, И. Бах, В.А. Моцарт, Г. Гендель, И. Брамс секілді классик композиторлардың шығармалары орындалады. Ескеретін жайт, Нұр-Сұлтан қаласы бас мемлекеттік санитарлық дәрігердің қаулысымен 65 жастан асқан адамдарға театрға келуге уақытша тыйым салынған.