Мәслихат
БЕСІНШІ ШАҚЫРЫЛЫМДАҒЫ ҚАЛАЛЫҚ МӘСЛИХАТ ДЕПУТАТТАРЫНЫҢ ЖӘНЕ АСТАНА ҚАЛАСЫ ТҰРҒЫНДАРЫНЫҢ НАЗАРЫНА!
2014 жылдың 7 қарашасында сағат 10.00-да қалалық мәслихаттың мәжіліс залында (Бейбітшілік к-сі, 11, 220-кабинет) бесінші шақырылымдағы Астана қалалық мәслихатының кезектен тыс сессиясы шақырылады.
Сессияның қарауына келесі мәселелер енгізіледі:
- Астана қаласы мәслихатының 2012 жылғы 6 маусымдағы «Астана қаласының әлеуметтік маңызды бағыттарының тізімін бекіту туралы» шешіміне толықтыру енгізу туралы;
- Мемлекет мұқтажы үшін жер учаскелерін алуға байланысты жер учаскелерін немесе жылжымайтын өзге мүліктерді сатып алу туралы шарттардың жобаларын келісу туралы;
- Астана қаласы мәслихатының 2006 жылғы 14 желтоқсандағы «Астана қаласы әкімдігі жанындағы тұрғын үй комиссиясының құрамы туралы» шешіміне өзгерістер енгізу туралы;
- Астана қаласы мәслихатының 2012 жылғы 6 желтоқсандағы «Астана қаласы әкімдігінің жанындағы Қазақстан Республикасындағы тұрғын үй құрылысының 2008-2010 жылдарға арналған мемлекеттік бағдарламасы шеңберінде Астана қаласында салынған қолжетімді тұрғын үйді сату жөніндегі комиссияның құрамы
туралы» шешіміне өзгерістер енгізу туралы; - Астана қаласы мәслихатының 2014 жылғы 27 маусымдағы «Астана қаласы әкімдігінің жанындағы «Қолжетімді тұрғын үй–2020» бағдарламасы шеңберінде тұрғын үйді сату жөніндегі тұрғын үй комиссиясының құрамы туралы» шешіміне өзгерістер енгізу туралы;
- Қалалық мәслихат депутатының өкілеттерін мерзімінен бұрын тоқтату туралы.
Анықтама алу үшін телефондар: 55-66-35, 55-66-36, 55-66-37.
С.ЕСІЛОВ,
Астана қаласы мәслихатының хатшысы