Биыл елордада инклюзияны қолдау бойынша 8 кабинет ашылады
![](https://astana-akshamy.kz/wp-content/uploads/2024/02/81c880bb28cd0320448f6c5ef492b48b_1280x720-780x470.jpeg)
Астанада ерекше білім беруді қажет ететін мектеп жасына дейінгі балаларға мемлекеттік қызмет көрсету аясы кеңейеді. 2024 жылы 4 балабақшада (№ 35,63,86,98) және 4 шағын орталықта (№8, №11, №30,№76) инклюзияны қолдау кабинеттерін ашу жоспарланып отыр. Бұл туралы Елорданың Коммуникациялар қызметінде өткен брифингте Білім басқармасының басшысы Қасымхан Сенғазыев мәлім етті, деп хабарлайды astana-akshamy.kz.
Ведомство басшысының айтуынша, өткен жылы 4 балабақшада (№54, №60, №66, №95) эмоциялық-еркi жағынан және мінез-құлқында (аутизм) бұзылыстары бар балаларға арналған инклюзияны қолдау кабинеттері ашылды.
«Алғаш рет, биыл 1 қаңтардан бастап ата-аналарға қолайлы болу мақсатында, елордадағы 8 психологиялық-медициналық-педагогикалық кеңес беру кабинеттеріне жазылу birge.astana.kz. сайтында онлайн жүзеге асырылып жатыр», – деді Қасымхан Сенғазыев.