Биыл елордада «Бұрқасын» дәстүрлі қысқы фестивалі 19 ақпанда өтеді.
«Бұрқасын-2023» жарыстары спорттың 10 түрінен: шаңғы жарысы, гір тасын көтеру, қол күресі, белбеу күресі, арқан тартыс, пималы хоккей, қармен нысананы дәлдеп ату, автоспорт, мотоспорт және қысқы футбол бойынша өтеді.
Жарысқа қатысуға денсаулығы жарамды барлық тілек білдірушілер қатыса алады. Тіркеуден өту кезінде өзімен бірге жеке басын куәландыратын құжат болуы қажет, – делінген қала әкімдігінің мәліметінде.
Шаңғы жарысына тіркеу және бастапқы нөмірлер әр жас тобы бойынша жарыс кестесіне сәйкес 30 минут бұрын беріледі.
