Домбыра дастаны
Елорда әкімдігінің қолдауымен, қаланың Мәдениет басқармасының ұйымдастыруымен ЭКСПО алаңында Ұлттық домбыра күніне орай Астананың 25 жылдығына арналған «Домбыра дастаны» мерекелік концерті өтті.
Мерекелік шоу-концерттің мақсаты отандық орындаушылар және елорда тұрғындары мен қонақтары арасында ұлттық аспапты дәріптеу, жас музыканттар мен домбырaшылар арасында домбыраның мәртебесін көтеру болды.
«Домбыраның мәртебесі – біздің ұлттық өнеріміздің мәртебесі, ұлтымыздың мерейі. Домбыра ғасырлар бойы қазақ халқының мұң-мұқтажын, қуанышын, ішкі жан дүниесін жырлап келеді. Ұлттық домбыра күнінің белгіленуі де халқымыздың домбыраға деген құрметінің бір көрінісі» дейді ұйымдастырушылар.
Концерт бағдарламасының тұжырымдамасы «Домбыраның дастаны: кеше, бүгін және ертең» идеясына негізделген. Мерекелік кеште «HasSak ethno-folk group» этно-фольклорлық тобы, «Қорқыт» этно-фольклорлық ансамблі, Мирас Жүгінісов, Ибрагим Ескендір, Мәди Рымбаев, Құралай Мейрамбек, басқа да әншілер мен балалар оркестрі өнер көрсетті.