Қасиетті Ораза айы қарсаңында Президент Нұрсұлтан Назарбаев Сарыарқа ауданында орналасқан жаңа мешітте болып, ондағы құрылыс жұмыстарымен танысты.
Айта кетейік, мешіттің құрылысы 2016 жылы басталған болатын. Бір мезгілде 750 адам құлшылық ете алатын құрылыс ғимаратының сәулетшісі – Сағындық Жанболатов. Бұл мешіттің жобасы еліміздегі басқа мешіттерден ерекше әрі баламалы энергия көздерінен қуат алады. Осы жолы автор дәстүрден алыстап, мешітті заманауи символизм және авангард стилінде ойластырған. Жаңа мешіттің құрылымы дін талаптарына қайшы келмейді. Осы тәрізді нысандар Малайзия, Германия мемлекеттерінде де бар.
Гүлдана ТАЛҒАТҚЫЗЫ
