Еліміздегі автокөлік өндірудің 50 пайыз үлесі Шығыс Қазақстан облысына тиесілі болмақ. Автокөлік шығару саласы осы аймақта басты салалық сектор тізімдеріне қосылды. 2015 жылы Қазақстандық автомобильдiк «Алға» өндiрістік корпорация жобасы бойынша «Howo» автомобильдерін шығару мен өткiзуді қолға алмақшы.

Еліміздің ірі қалаларында кәсіпкерлерге бизнес жүргізуге кеңес беретін 22 орталық ашылды. Осы орталықта жұмыс істейтін білікті мамандарды Ұлттық кәсіпкерлер палатасы дайындады. Мұнда кеңестер тегін беріліп, шағын және орта бизнес өкілдеріне «Бизнестің жол картасы – 2020» бағдарламасы бойынша қандай қолдау көрсетілетіні жайлы ақпарат беріледі.