ЕРІКТІЛІК – ЖАҢА ТРЕНД
ҚР Мәдениет және спорт министрлігінің тапсырысы бойынша «Еріктілік – жаңа тренд» тақырыбында «Болашақ» қауымдастығы пікірталас алаңының кезекті отырыс өтті.
Отырысқа мемлекеттік органдар, бизнес-құрылымдар, қоғамдық ұйымдар мен «Болашақ» бағдарламасының түліктері және түрлі деңгейдегі жастар өкілдері қатысты.
Қазақстанның еріктілер альянсының атқарушы директоры Нұрлан Досымов «ЭКСПО – 2017» ұлттық жобасына дарынды жастардың қатысуы мен өткізіліп жатқан іс шараның маңыздылығына тоқталды.
«Астана жастары» ресурстық орталығының жетекшісі Әнуар Нұрпейісов ерікті болудың артықшылықтарына тоқталып, қазір өздерінде «ЭКСПО – 2017» еріктілер қозғалысының супервайзерлеріне іріктеулер жүргізіліп жатқандығын жеткізді.
Ал, «Астана ЭКСПО-2017» ҰК» АҚ маркетинг және ілгерлету департаменті директорының орынбасары Рауан Ерұлан «ЭКСПО – 2017» көрмесі – жастар күшін біріктіруші» тақырыбында баяндама жасады.
Іс-шара соңында қатысушылар өзінің жаңа идея, ұсыныстарымен бөлісті, өздерін қызықтырған барлық сауалдарға жауап алды.