Ескі әндер жаңаша естілді
![](https://astana-akshamy.kz/wp-content/uploads/2023/06/18_06_6_1e5406d6fc-780x470.webp)
Елорданың 25 жылдығына орай «Esil Music Time» атауымен ашық аспан астында фестиваль өтті. Концерт барысында тәуелсіздік жылдарында жазылған хит әндер музыкалық жаңа формада берілді.
Фестивальдің мақсаты – қазақтың ескі әндеріне жаңа дем беру, халықтың құлағына сіңген сүйікті әндермен әдемі әсер және ерекше көңіл күй сыйлау. Өнер туындылары арқылы қазақстандық патриотизм мен ұлттық мәдениетке деген сүйіспеншілікті қалыптастыру, қазақ тіліне деген құрметті әндер арқылы ояту.
Фестиваль қатысушылары қазақтың белгілі композиторларының шығармаларына жаңа өмір беруге тырысып, жаңа заманауи нұсқада ұсынды. Атап айтқанда, Ескендір Хасанғалиевтің «Бозторғай» әні, «МузАрт» тобының репертуарындағы, басқа да танымал әндер шырқалды.
Кеште Бейбіт Қорған, Әлішер Кәрімов, Қазыбек Құрайыш, Еркеш Хасен, Мархаба Сәби, Әміре, Ayree, Sadraddin, Qanay, Kalifarniya, Rau, «Домино» тобы, Дильназ Ахмадиева, т. б. белгілі эстрада әншілері өнер көрсетті.