Елордада ETANDAU.GOV.KZ платформасын түсіндіруге арналған жиын өтті, деп хабарлайды astana-akshamy.kz
Платформаны түсіндіруге арналған семинарды Астана қаласының Білім басқармасы ұйымдастырды.
Мектеп директорлары, педагогтер, кітапханашылар қатысқан семинар «Мемлекеттік білім беру ұйымы педагогтерінің оқулықтар мен оқу-әдістемелік кешендерді таңдауы» тақырыбында ұйымдастырылды.
ETANDAU.GOV.KZ платформасы – бұл оқулықтарды таңдаудың автоматтандырылған жүйесі.
Жүйе арқылы педагогтер оқулықтарды өздері таңдай алады. Мәселен биылғы оқу жылында пән педагогтері жаңартылған 3 – ші сынып оқулығын таңдайды.
Апробация кезінде оның функционалдығы және жұмысты оңтайландыру мүмкіндіктері расталды. Бұл бастама білім беру сапасын және тиімділігін арттыруға әсер етеді.
