Елордадағы Ш.Айманов көшесінің С.Сейфуллин көшесінен Ж.Омаров көшесіне дейінгі бөлігі көлік қозғалысы үшін 16-20 тамыз аралығында ішінара жабылады.
Мұнда Көлік және жол-көлік инфрақұрылымын дамыту басқармасы Нұр-Сұлтан қаласы ПД әкімшілік полиция басқармасының келісімімен жол төсеміне орташа жөндеу жұмыстарын бастады. Сонымен қатар демалыс күндері Ш.Бейсекова көшесінен Тұран даңғылына дейінгі учаскедегі №27 көше мен Хусейн бен Талал көшесі жабылған болатын. Салалық басқарма мен қалалық Полиция департаменті елорда жолдарында кептеліс тудырмау үшін көлік жүргізушілеріне өз қозғалыс бағыттарын алдын ала жоспарлауды ескертеді.
