КӨШПЕЛІ ҚОҒАМДЫҚ ҚАБЫЛДАУ
«Жария» халықаралық орталығы» қоғамдық қоры мен «Қырғызстан-Астана» қырғыз этномәдени орталығы мемлекеттік қызмет көрсету аясында жемқорлыққа қарсы мәдениетті қалыптастыру тақырыбында көшпелі қоғамдық қабылдау өткізді.
«Нұр Отан» партиясының Астана қалалық филиалы және Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігінің Астана қаласы бойынша департаментімен бірлескен жұмыс жоспарына сәйкес, Астана қаласының Көші-қон басқармасы мен Алматы ауданының ХҚКО қызметкерлерімен кездесті. Осылайша, еңбек мигранттары қатысындағы көрсетілетін мемлекеттік қызметтің сапасы жайында сөз қозғалып, азаматтардың шағымдарымен танысты. Іс-шара барысында қоғамда жемқорлыққа қарсы мәдениеттің қалыптасуына бұқаралық ақпарат құралдарының, азаматтық қоғамның ықпалын арттыру мәселесі де қаралды. Астана қаласы ІІД Көші-қон полициясы басқармасының бастығы Гүлвира Дөненбаева «ЭКСПО-2017» көрмесінің басталуына байланысты жаңа ережемен таныстырды. «Елордадағы еңбек мигранттары арасында қырғыздардың үлес салмағы басым. Сондықтан да қатысушыларға қырғыз тілінде жазылған еңбек мигрантының құқықтары мен қолданыстағы заңның талаптары көрсетілген жадынама таратылды. «1421» жедел желі іске қосылып, миграция саласындағы жемқорлық фактілері туралы тиісті органдарға шағымдануға мүмкіндік беріп отыр. Осы тұрғыда мүдделі органдармен бірлесе отырып, жемқорлыққа қарсы мәдениетті қалыптастыра аламыз» деді «Қырғызстан-Астана» қырғыз этномәдени орталығының жетекшісі Шавкат Исмаилов.
Айгүл УАЙСОВА