«Roza Baǧlanova atyndaǧy «Qazaqkonsert» memlekettık konserttık ūiymy «Balalar filarmoniiasy» jobasy aiasynda jas körermenderge qyzyqty mädeni şaralar ūiymdastyrady. Kanikul kezınde balalar jazdyŋ bırınşı aiynda tegın konsertter men şeberlık sabaqtarǧa qatysyp, qazaqstandyq tanymal ärtısterdıŋ önerge qatysty därısterın tyŋdai alady jäne estelık syilyqtar alady.
Byltyr «Balalar jyly» aiasynda «Qazaqkonsert» memlekettık konserttık ūiymy 2022 jyldyŋ qyrküiegınde «Balalar filarmoniiasy» jobasyn ıske qosty. Aǧymdaǧy jyly ony jüzege asyru bırqatar şaralarmen jalǧasatyn bolady.
1 mausym balalardy qorǧau künıne orai «Multfilmder älemıne saiahat» atty muvi konsert ötedı. «Qazaqkonsert» solisterı ataqty «Holodnoe serdse», «Şrek», «Alladin», «Moana» jäne t.b. animasiialyq filmderdegı änderdı oryndaidy.
2 mausymda horeografiialyq önerden şeberlık sabaǧy boiynşa «Gülder» ansamblınıŋ bas baletmeisterı Anvara Sadyqova men horeograf Möldır Nyǧmetova jas körermenderge qazaq biınıŋ damuy men qazırgı zamanǧy bi önerı turaly aityp beredı. Teoriialyq şolu aiaqtalǧannan keiın «Gülder» ansamblınıŋ solisterı köpşılıkke keŋınen taralǧan horeografiialyq bi elementterın körsetedı.
7 mausymda «TURAN» folklorly-etnografiialyq ansamblı «Balalar filarmoniiasy» jobasy aiasynda jas muzyka äuesqoilary üşın kezektı leksiia-konsertın ötkızedı. Muzykanttar balalarǧa virtuozdyq oryndaudyŋ joǧary şeberlıgın körsetıp qana qoimai, muzykalyq aspaptardyŋ şyǧu tarihy turaly aityp beredı.
9 mausymda mektep oquşylary «Opera älemınde» atty tanymdyq leksiia-konsertıne qatysuǧa mümkındık alady. Kezdesu barysynda muzyka äuesqoilary klassikalyq vokaldyŋ erekşelıkterı men estradalyq jäne akademiialyq än aitudyŋ negızgı aiyrmaşylyqtarymen tanystyrady. Sondai-aq, muzykanttar körermender nazaryna bırneşe vokaldyq jattyǧulardy ūsynady, äigılı miuziklderden ariialar men operettalardy jäne romanstardy oryndaidy.
14 mausymda «Teatr jäne akterlık öner» şeberlık sabaǧynda «ASTANA MUSICAL» teatrynyŋ ärtısterı balalarǧa mamandyqtyŋ qyr-syryn aityp, ärtısterdıŋ sahnada senımdı boluyna kömektesetın jattyǧular men ädısterdı üiretedı. Sabaqta oquşylar mimika qalai jūmys ısteitının, öz emosiialaryn dūrys bıldırıp, ony körermenge nemese äŋgımelesuşıge qalai jetkızuge jäne köpşılık aldynda söileu qorqynyşyn jeŋuge üirenedı.
16 mausymda «ETNHO MODERN» şou-konsertınde balalar qazaqtyŋ dästürlı halyq aspaptarynyŋ zamanaui muzykany qalai özgerte alatynyn bıle alady. Sahnalyq qoiylym barysynda «Astana sazy» etno-folklorlyq ansamblınıŋ oryndauynda «Karib teŋızınıŋ qaraqşylary», «Madagaskar», «Sinii krot» jäne t.b. multfilmderden saundtrekter oryndalady.
21 mausymda Qazaq memlekettık simfoniialyq orkestrınıŋ solisterı jas körermenderdı klassikalyq muzykalyq aspaptarda oinau boiynşa şeberlık sabaǧyna şaqyrady. Olar mektep oquşylaryn bırlesken muzyka jasaudyŋ keibır ädısterı men täsılderımen tanystyrady.
23 mausymda «Halyq qazynasy» ūlttyq öner ortalyǧynyŋ ärtısterı «Jetıgen men dombyranyŋ ündesuı» atty leksiia-konsertte folklor dästürın üiretu üşın jas körermenderdı asyǧa kütedı.
28 mausymda «SAZ & SOUL» vokaldy-aspaptyq ansamblınıŋ solisterı muzykanyŋ jyldam qozǧalysy sezımın tudyratyn djaz improvizasiiasyn «Djaz degenımız ne?» atty leksiia-konsertınde körsetedı.
30 mausymda «ASTANA MUSICAL» teatrynyŋ ärtısterı «Ǧajaiyp miuzikl» atty leksiia-konsertınde sahna önerınıŋ qyr-syryna toqtalyp, miuzikalyq qoiylymdardyŋ erekşelıkterı turaly aityp beredı.
Öner älemımen tanysu jas körermender men olardyŋ ata-analaryna jarqyn äser qaldyryp, jaz mausymynda barşaǧa tamaşa köŋıl-küi syilaidy degen ümıttemız.
