QR Prezidentınıŋ janyndaǧy memlekettık basqaru akademiiasynda elımızdıŋ barlyq öŋırlerınen kelgen būqaralyq aqparat qūraldary ökılderıne arnalǧan «Qazaqstan Respublikasyndaǧy sailau prosesı: teoriia jäne praktika» taqyrybynda üş kündık kurs ötkızıldı.
Ortalyq sailau komissiiasynyŋ spikerlerı jurnalister aldynda aldaǧy sailau nauqandaryn daiyndau men ötkızudıŋ ūiymdastyruşylyq jäne qūqyqtyq aspektılerı, sailau ūiymdastyruşylaryn oqytu jüiesı, sailau nauqandaryn qarjylandyru taqyrybynda därıs oqyp, maŋyzdy sūraqtardy bırge talqylady.
Jiynda BAQ-tyŋ sailau nauqanyndaǧy rölı men maŋyzyn jäne syni tüsınu qabıletın qalyptastyru. BAQ ökılderınıŋ bılım deŋgeiı men olardyŋ sailau üderısın aqparattyq qamtamasyz etu mäselelerı boiynşa bılıktılıgın arttyru közdelgen.
«Ortalyq sailau komissiiasy 20 qaraşada ötetın QR Prezidentı sailauy qarsaŋynda 11 seminar ötkızudı josparlap otyr. Türlı sala mamandary men ökılderın sailaudy ūiymdastyru jäne ötkızu prosesımen tolyǧyraq tanystyratyn bolamyz. Bügın, mıne, BAQ ökılderıne arnalǧan ekı kündık seminar bastaldy. Odan bölek, osyndai seminar qūqyq qorǧau organdary jäne prokuratura qyzmetkerlerı, ükımettık emes ūiym ökılderı jäne Call ortalyq qyzmetkerlerı üşın de ötkızıledı. Oqytu onlain jäne oflain formatta» dedı Ortalyq sailau komissiiasynyŋ müşesı Sabila Mūstafina.
BAQ ökılderıne arnalǧan seminarǧa elımızdıŋ barlyq öŋırınen 70-ke juyq adam qatysty. Seminar qorytyndysynda qatysuşylarǧa arnaiy sertifikattar tabystaldy.
