Bolat joldaǧy jūmysyn qarapaiym jolşydan bastaǧan qūrmettı temırjolşy Berık Aitbekovtıŋ äuletı – osy saladaǧy tanymal dinastiianyŋ bırı. Alǧaşqy tälımgerı, äkesı Saǧyndyqtyŋ jolyn taŋdaǧan ol da bükıl sanaly ömırın temırjoldyŋ damuyna qyzmet etuge arnady.
Künnıŋ ystyǧy men suyǧyna qaramai, aidalada temırjoldyŋ kütımın jasaityn jolşylyq jūmystan «QTJ» ŪK» AQ «Magistraldyq jelı direksiiasy» filialy qozǧalys qauıpsızdıgı departamentınıŋ direktorlyǧyna deiın köterılgen Berık aǧa osy aralyqta temırjolǧa 50 jyl qyzmet etıptı.
Qaraǧandydaǧy Aǧadyr stansasynda mektep bıtıre sala jolşy bolyp jūmys ıstep, keiın Otan aldyndaǧy boryşyn ötegen soŋ, Selinograd temırjol tehnikumynda bılım alady. Sondai-aq Almatyda arnaiy joǧary oqu ornyn da tämamdaidy. Berık Saǧyndyqūly – Dostyq memleketaralyq şekara beketınde alǧaşqy jük poiyzdaryn ötkızu barysyndaǧy jūmystardy ūiymdastyruǧa tıkelei aralasqan basşy. Sondai-aq onyŋ jauapkerşılıgıne jüktelıp, abyroimen joǧary deŋgeide atqarylǧan mındetter qatarynda Türkıstan stansasyndaǧy konteinerler jöndeu sehyn sertifikattau, «Qaztemırtrans» AQ-tyŋ qanatqaqty jobalaryn ıske qosu jūmystary bar.
Zeinet demalysyna 2015 jyly şyqqan aqsaqal süiıktı jūmysynan alşaqtamai, 2016 jyldan berı kompaniianyŋ Ardagerler keŋesın basqaryp keledı. Osylaişa qarap jatpai, sala ardagerlerınıŋ mūŋ-mūqtajyn tügendep, qamyn küittep jür. Qoly bosai qalsa, sportpen ainalysyp, voleibol oinaǧandy, taza auada seruendegendı ūnatady. Onyŋ saladaǧy zor täjıribesı men qyzmetıne adaldyǧy jäne temırjolǧa sıŋırgen eŋbegı eskerusız qalmai, ülken memlekettık jäne salalyq nagradalarǧa ūsynyldy. Sonyŋ ışınde eŋ bedeldı «Qūrmettı temırjolşy» ataǧy oǧan 1998 jyly berıldı. Odan bölek, «Eŋbek ardagerı», «Adal eŋbegı üşın», «Eŋbek äuletı üşın» medaldarymen de marapattalǧan.
Öndırıs salasynyŋ maitalmany önerden de qūralaqan emes. «Sezım iırımderı», «Bır özennen när alǧan» jyr jinaqtarynyŋ avtory. Temırjol salasyna qatysty «Poezda osobogo naznacheniia» degen kıtap jazǧan. Mandolina, gitara, dombyra tartyp, än salǧandy da jany süiedı.
Bügınde Aitbekovter äuletın temırjolşylar arasynda bılmeitınder kemde-kem. Äulettıŋ bırneşe buyn ökılı alyp salanyŋ eŋbek qazanyn qainatyp, temırjoldyŋ damuyna üles qosyp keledı. Būl äuletten bügınge deiın üş «Qūrmettı temırjolşy» ataǧynyŋ iegerı şyqqan. Olar – Berık aqsaqal men onyŋ äkesı jäne ınısı. Alty aǧaiyndy azamattyŋ barlyq bauyry temırjolda ıstegen. Osylaişa äulettıŋ temırjoldaǧy jiyntyq eŋbek ötılı – 500 jylǧa jetedı. Özınıŋ bır ūl, bır qyzy da – temırjolşy. Bügınde solardan 4 nemere süiıp, ardaqty ata atanyp otyrǧan jaiy bar.
