Bar ǧūmyryn tälımgerlıkke arnaǧan, jarty ǧasyrǧa juyq eŋbek jolynda qanşama şäkırt tärbielegen ardager ūstaz, QR bılım beru ısınıŋ üzdıgı Qajymūrat Näsievtıŋ dara joly önegege toly. Ardagerdıŋ tūtas äuletı de elımızdıŋ är aimaǧynda şäkırt tärbielep otyrǧan bılıktı mamandar.
Soltüstık Qazaqstan oblysy būrynǧy Besköl audany, qazırgı Mamliut audanyna qarasty Bostandyq orta mektebınde Qajymūrat Näsiev 38 jyl eŋbek ettı. Jary Naǧima Hamitqyzy da 46 jyl oqytuşylyqpen ainalysty.
Qajymūrat Näsiev 1969 jyly K.Uşinskii atyndaǧy Petropavl pedagogikalyq instituty tarih jäne filologiia fakultetınıŋ tarih jäne pedagogika bölımınde oqydy. Būl jaiynda ardager: «Ol kezeŋde tarih bölımıne baiqau joǧary, segız adam bır orynǧa talasty. Qazaq mektepterın bıtırgen 30 balanyŋ 4-euı ǧana synaqtan öttı. Barlyǧy 50 bala qabyldandy» dep eske alady. Oqu ornyn tämamdaǧan jas maman ūstazdyq jolyn bastap, oǧan dendep kırısedı. 1974 jyly Bostandyq orta mektebınde Naǧima Hamitqyzymen bırge tarih, eŋbek, än-küi, dene şynyqtyru pänderınen sabaq berdı. Ekı ai ötkennen keiın 1974 jyldyŋ qazanynda oqu ısı meŋgeruşısı qyzmetıne taǧaiyndaldy. 1975-2003 jyldary 28 jyl üzbei mektep direktory boldy.
Mektep direktory bola jürıp, qazaq mektebınıŋ ǧana emes, auyl mäselelerı jönınde, auyl mädenietın köterude mektep ūjymyn jūmysqa belsendı aralastyrdy. Mūǧalımdık qyzmetke, negızınen, sol auyldyŋ tülekterı alyndy. Joǧary bılımı bar ūstazdardyŋ arqasynda sapaly bılım alǧan tülekter jyl saiyn joǧary oqu oryndaryna tüsıp otyrdy. Olardyŋ arasynda ärtürlı salaǧa eleulı üles qosqan ǧylym kandidattary, joǧary bılımdı auylşaruaşylyq basşylary bolǧanyn Qajymūrat Näsiev maqtanyşpen aitady.
Ardagerdıŋ aituynşa, sol jyldary oblys ortalyǧynda bır ǧana qazaq mektep-internaty boldy. «D.Qonaev atamyzǧa deiın jazǧan hatymyzdyŋ äserı bolar, 1991 jyly 1 qyrküiekte, täuelsızdık jariialaǧanǧa deiın, jaŋa tiptık mektepke kırıp oqydyq. Būl bızdıŋ täuelsızdık jariialamai tūryp körgen alǧaşqy quanyşymyz edı. Oblystaǧy qazaq auyldarynyŋ qol jetpegen jaŋa mektepke bızdıŋ qolymyzdyŋ jetuıne öz ülesımnıŋ bolǧany quantady» dedı ol.
Täuelsızdıktıŋ alǧaşqy qiynşylyqqa toly kezeŋınde, 2003 jylǧa deiın mekteptıŋ jabdyqtaluyna, ötpelı kezeŋde oqu ürdısınıŋ, ūjymnyŋ qalypty jūmys ısteuıne barynşa küş saldy. Partiia, keŋes jūmysy, audandyq mäslihat deputaty bolyp sailanǧan kezınde mektep jūmysymen qatar, qoǧamdyq jūmysty da atqardy. 2003 jyly ardager Petropavlǧa kelıp, jaŋadan qūrylǧan qalalyq ışkı saiasat bölımıne basşylyqqa taǧaiyndaldy. Mūnda da bılım mekemelerı, mädeniet, dın salasy boiynşa bırqatar jūmys jürgızdı.
Odan keiın Astanaǧa köşıp, Bılım departamentıne bas maman bolyp qyzmet ettı. «Bılım departamentınde 13 baǧyt boiynşa baqylau jürgızıp, esep beretın edım. Olardyŋ qatarynda ört qauıpsızdıgı, medisina kabinetterınıŋ jūmysy, jazǧy demalys, lager, oquşy qauıpsızdıgı, jaŋa oqu jylyna daiyndyq jūmysy jäne basqa baǧyttardy jıtı baqylauda ūstadym. «Orientir» mektebınıŋ kuratorlyq jūmysyna jauapty boldym» deidı ardager ūstaz.
2011-2014 jyldar aralyǧynda elordadaǧy №65 mektebınde mūǧalımdık qyzmetın jalǧastyrdy. Ardager qoǧamdyq jūmystarda belsendı. «Tuǧan jer» baǧdarlamasy boiynşa ölketanu jūmysymen de ainalysady. Mamliut audanyndaǧy Bostandyq, Üşköl, Bekseiıt auyldarynyŋ tarihy men şejıresın zerttep, arnaiy kıtap şyǧaryp, osy eldıŋ mektepterıne tapsyrdy. Oblystyq, audandyq gazetterde «Ruhani jaŋǧyru» taqyrybyna, tarih, ölketanu mäselelerıne bailanysty maqalalary jaryq kördı.
Är jyldary «Eŋbek ardagerı» medalı, «Astanaǧa 20 jyl» medalı, Mamliut audanynyŋ «Qūrmettı azamaty» belgısı, Memlekettık tarih instituty janyndaǧy «Tarih jäne qoǧamdyq ǧylymdar akademiiasynyŋ akademigı» belgısımen marapattaldy. Astana qalasy Saryarqa audandyq Ardagerler ūiymynyŋ «Tūrmys-1» atty bastauyş ardagerler bölımşesın basqardy. Qazırgı taŋda «Elorda biler keŋesı» qoǧamdyq bırlestıgınıŋ müşesı. «Qara şaŋyraq» ūlttyq tärbie beru mektebı jūmysyna qatysyp, ūlttyq tärbienı jandandyruǧa kömektesude. Tarihşy-ölketanuşy retınde tuǧan ölkenıŋ tarihyna bailanysty «Auylym – altyn besıgım», «Qūtty meken Bekseiıt», «Tuǧan auylym – Üşkölım» atty eŋbekterı üş qazaq auylynyŋ tarihy men şejıresıne arnalady. Al bügınde respublika boiynşa «Aşamaily Kerei Balta ruy» şejıre kıtabyn jazuda.
Ūrpaqtan-ūrpaqqa sabaqtasyp jatqan qasiettı mamandyqty Qajymūrat Näsiev bastaǧan äulettıŋ ūstaz atauyn ūlaǧattap, qoǧamda därıpteuı erıksız süisındıredı. Bügınde Näsievter äuletı – Astana qalasy boiynşa bırneşe baiqaulardyŋ jeŋımpazy. 2016 jyly «Ūstazdar äuletı» baiqauynda I oryn, 2017 jyly qalalyq äkımdık ötkızgen «Eŋbek äuletı» baiqauynda II oryn, al 2021 jyly Astana qalasy boiynşa 120 janūia baq synaǧan «Mereilı otbasy» baiqauynda II oryn ielendı.
