1972 jyldyŋ 26 nauryzynda Selinograd qalasyndaǧy Tyŋ igeruşıler saraiynda Qazaq KSR Halyq ärtısı Şamǧon Qajyǧaliev bastaǧan bükılodaqtyq jäne halyqaralyq konkurstardyŋ laureaty, Buharestte ötken jastar men bükıldüniejüzılık IV festivalınıŋ bas bäigesın jeŋıp alǧan qazaqtyŋ Qūrmanǧazy atyndaǧy memlekettık halyq aspaptary orkestrınıŋ konsertı öttı.
Orkestrdıŋ körkemdık jaǧyn basqaruşy jäne bas dirijerı Ş.Qajyǧalievtıŋ dirijerlık etuımen orkestr qazaq halqynyŋ baiyrǧy küilerın babyna keltırıp oryndap, tyŋdauşylaryn bır jelpıntıp tastady. Sodan keiın Qūrmanǧazy men Däuletkereidıŋ küilerı, Mosart pen Bramstyŋ klassikalyq şyǧarmalary da köpşılıktıŋ qūlaq qūryşyn qandyrdy.
Bai repertuary, özındık oryndau qasietı, körkemdık şeberlıgı biık orkestr tyŋdauşylar qūrmetıne bölendı. Jinalǧan jūrt orkestr men onyŋ solisterınıŋ oryndauynda nebır sūlu äuen, syrly saz estıdı.
Surette: orkestr qūramyndaǧy respublikamyzdyŋ Halyq ärtısı, dombyraşy Baqyt Qarabalina Dinanyŋ «Būlbūlyn» oryndauda.
Ǧaziza İSAHAN
Suret QR Kinofotoqūjattar men dybys jazbalar arhivınen alyndy.
