Sport künı qarsaŋynda ötken saltanatty kezdesuge Astana qalasy äkımınıŋ orynbasary Eset Baiken, qalalyq Dene şynyqtyru jäne sport basqarmasynyŋ basşysy Samat Jylqybaev, Olimpiada oiyndarynyŋ chempiony Serık Säpiev pen Aziia paraoiyndarynyŋ chempiony Siiazbek Daliev arnaiy qatysty.
– Astana qalasy tūrǧyndarynyŋ 37 paiyzy būqaralyq sportpen ainalyssa, käsıbi türde 18 myŋnan astam sportşy (2 myŋ eresek, 16 myŋ jasöspırım) şūǧyldanady.
Soŋǧy jyldary parasport türlerı de jaqsy damuda. Tokioda ötken Olimpiada oiyndarynda qazaqstandyq sportşylar 8 qola jeŋıp alsa, parasportşylar bırneşe ret daralanyp, Paralimpiadada kök tudy jelbıretıp, abyroiymyzdy asyrdy.
Elordada sportpen tūraqty şūǧyldanuǧa arnalǧan 1000-nan asa sport nysany bar. 35 sport saraiynda bırneşe sport türımen ainalysuǧa bolady.
Aldaǧy uaqytta BSP diagnozy bar balalar üşın «Qazaqstan» sport keşenınde arnaiy bassein ıske qosylady.«Qazanat» ippodromynda mügedek adamdar üşın ippoterapiia aluǧa mümkındık berıledı, – dedı Eset Baiken.
Is-şara barysynda balalar-jasöspırımder sport mektebı, mügedektıgı bar adamdarǧa arnalǧan sport mektebınıŋ basşysy Azamat Taǧaev atqarylǧan jūmystar turaly baiandady.
Jattyqtyruşylar Gennadii Gerasimenko (para üstel tennisı), Aliia Tusupbekova (arbamen bileu), Erbol Simambaev (para taekvondo), Meiramgül Dukeva (para karate), Baqytjan Jūmabaev (para jüzu), Denis Rybka (para pauerlifting), Medeu Abenov (para voleibol) jäne Bek Moldahmetov (erkın küres) marapat mınberıne şyǧyp, arnaiy maqtau qaǧasyna ie boldy. Būl qatarda Sanduǧaş Bolysbai (toǧyzqūmalaq), Ūlan Anuar (pauerlifting), Täjıbai Taimambetov (surdo futbol), İrina Şetinina (jeŋıl atletika), Toijan Alşinova (para karate), Qalysbek Chalyspaev (surdo üstel tennisı), Ruslan Ahmetov (surdo futbol), Läzzat Jusupova (para karate), Mihail Burchalin (oqpen atu), Ramazan Tauba (surdo dziudo), Ahmet Ainabekov (grek-rim küresı), Zair Ahmedov (qol küres), Ernar Murzagaliev (surdo jüzu) boldy.
VI paralimpiadalyq oiyndarynyŋ 28 jüldegerı de syi-qūrmetten qūr qalmady. El namysyn halyqaralyq deŋgeidegı dodalarda qorǧaityn sportşylardy ruhani qoldau – maŋyzdy mındet. Öitkenı sportşylardyŋ deŋgeiıne qarap eldıŋ äleumettık-ekonomikalyq quatyn saralap jatady.
«Para üstel tennisımen 8 jyldan berı käsıbi türde ainalysamyn. Özıme ūnaidy ärı özge sporttan qaraǧanda jaraqat alu qaupı tömen. Osy jyldar ışınde el chempionatynda bırneşe ret üzdık boldym. Küzde Qytaida ötetın lisenziialyq Paraaziia oiyndaryna qatysyp, älem üzdıkterı sanalatyn Qytai, Oŋtüstık Koreia jäne Japoniianyŋ myqty sportşylarymen küş synasamyn. Jeŋuge barynşa küş salamyn» dep josparymen bölıstı Aleksandra Stepanova.
