Qazaq KSR Halyq ärtısı, änşı Sara Tynyştyqūlova Taldyqorǧan oblysynyŋ (Qazırgı Jetısu oblysy) Börlıtöbe auylynda düniege kelgen. Mäskeudegı Bükılodaqtyq estrada studiiasyn bıtırdı. Reperturarynda köbıne qazaqtyŋ halyq änderı oryn alady. Äsırese, ol «Auylyŋ senıŋ ırgelı», «Aq dariǧa» änderı men Nūrǧisa Tılendievtıŋ «Alatau», Şämşı Qaldaiaqovtyŋ «Şynarym», Eskendır Hasanǧalievtıŋ «Aŋsaǧanym» änderın naqyşyna keltıre şyrqaidy.
Sara Tynyştyqūlova 1968 jyly 28 şılde men 6 tamyz aralyǧynda Bolgariianyŋ astanasy Sofiia qalasynda ötken jastar men studentterdıŋ IH Bükılälemdık festivalınde jüldelı orynǧa ie bolyp, esımı elge keŋınen tarady.
Änşı Qazaqstan ädebietı men önerınıŋ Armeniiada, Reseide, KSRO mädenietınıŋ Finliandiiada, Belgiiada ötken künderıne qatysty.
1972 jyly gastroldık saparmen Tyŋ ölkesıne kelıp, konsert berıp, änsüier qauymnyŋ ystyq yqylasyna bölendı.
Surette änşınıŋ konsertten keiın Selinograd qalasynda seruendep jürgen sätı.
