Astana qalasy Mädeniet basqarmasyna qarasty mekemelerde Qazaqstan halqy tılderı künıne orai bırqatar ıs-şara öttı. M.Äuezov atyndaǧy ortalyq qalalyq kıtaphanada «Danalyq diqanşysy» atty tanymdyq saǧat, al Säken Seifullin mūrajaiynda därıs oqyldy.
Tanymdyq saǧat «Ūlttyŋ saqtaluyna da, joǧaluyna da sebep bolatyn närsenıŋ eŋ quattysy – tılı» degen qazaq tıl bılımınıŋ atasy Ahmet Baitūrsynūlynyŋ mūralaryna arnaldy. Oǧan №6636 äskeri bölımınıŋ jauyngerlerı qatysty. Taǧylymdy şara barysynda ūlt ūstazynyŋ jas ūrpaqqa ūlaǧat bolar sözderı aitylyp, eŋbekterınıŋ körmesı ūiymdastyryldy. Sondai sözderınıŋ bırı – «Bılımdı boluǧa oqu kerek, bai boluǧa käsıp kerek». Al körmeden «Tıl – qūral», «Ädebiet tanytqyş», t. b. eŋbekterı oryn aldy.
Tılder künıne arnalǧan därıstı Tarihi-mädeni mūra obektılerın jäne eskertkışterdı saqtaudy qamtamasyz etu ortalyǧynyŋ qyzmetkerı Qabiden Quanyşbai oqydy. Därıstıŋ däl Säken Seifullin muzeiınde oqyluynyŋ öz sebebı bar. Säken Seifullin 1922 jyly Ahmet Baitūrsynūlynyŋ 50 jyldyq mereitoiyn ūiymdastyryp, joǧary deŋgeide ötuıne mūryndyq bolǧan. Qanşama qarsylyqqa qaramai osy şarany sättı atqaryp şyqqan. «Keŋse tılı – qazaq tılı bolsyn» dep şyryldaǧan da Säken edı. Ahmet te, Säken de qazaqtyŋ tılın qasiettı tūǧyryna qondyru üşın eŋbek ettı. Şara barysynda qos tūlǧanyŋ arasyndaǧy sabaqtastyq äŋgıme özegıne ainaldy.
