«Qoǧamdyq oryndarda – saiabaqtarda, skverlerde, jaǧalauda ornalasqan 48 därethananyŋ 4-5-euı ǧana erejelerge säikes jūmys ısteidı.
Negızgı taqyryp «qoljetımdı jäne jaily qoǧamdyq därethanalar» baǧdarlamasyn ıske asyru bolyp tabylatyn qoǧamdyq tyŋdaular aldynda ärıptestermen jäne monitoringtık toppen bırge zertteu jürgızıldı. Antisanitariia, jūmys ıstemeitın esıkter men sudyŋ bolmauy eskertulerdıŋ tolyq tızımı emes. Köptegen jerlerde keluşıler üşın esık jabyq.
Elordanyŋ millionnan astam halqy men turisterı ünemı osy mäselege tap bolady. Äzırge därethanalardyŋ bıryŋǧai dizainy joq, sondai-aq sanitarlyq-tehnikalyq normalar äzırlenbegen. Keibır därethanalardy paidalanu üşın aqy alynady. Jauapty organdar jūmys ıstemeitın därethanalardyŋ qyzmetın baqylau kerek. Olardy qoldanuǧa aqşa bölınse de, ıs jüzınde elorda tūrǧyndary men qonaqtary üşın qolaisyzdyqtar bar. Soŋǧy aialdamalarda qoǧamdyq kölık jürgızuşılerıne arnalǧan därethanalar joq.
Osyǧan bailanysty jauapty organdar men audan äkımderıne jedel tärtıpte deputattarǧa qoǧamdyq därethanalardyŋ jūmysyn jaqsartu, tehnikalyq normalardy äzırleu boiynşa ıs-şaralar josparyn äzırleudı jäne ūsynudy tapsyrdym» dep jazdy Astana qalasy mäslihatynyŋ töraǧasy Erlan Kanalimov özınıŋ äleumettık jelıdegı jeke paraqşasynda.
