Ūlttyq sport ūlttyq sanany, ūlttyq ruhty qalyptastyrudyŋ ūlttyq kody sanalady. Sondyqtan būl salany damytu asa maŋyzdy. Ortalyq kommunikasiialar qyzmetınde döŋgelek üstel formatynda ötken basqosuda osy taqyryp tereŋınen talqylanyp, problemalardy şeşudıŋ män-maŋyzy qarastyryldy.
Ūlttyq sport qauymdastyǧynyŋ prezidentı İslambek Saljanov jyl kölemınde atqarylǧan jūmystardy baiandady.
– Ūlttyq sporttyŋ artynda ūlttyŋ tarihy, dästürı, ruhy, ar-namysy tūr. Osy sebeptı ūlttyq sportqa beijai qaramai, memlekettık saiasattyŋ qūramdas bölşegı retınde baǧalauymyz kerek. Qazır qauymdastyq qūramyna «Kökpar», «Bäige», «Jamby atu», «Audaryspaq», «Teŋge ılu», «Qūsbegılık», «Dästürlı sadaq atu», «Toǧyzqūmalaq», «Asyq atu» federasiiasy kıredı.
Osy 9 federasiiadaǧy 7,5 myŋ jattyqtyruşy 15 myŋnan asa seksiiada 500 myŋǧa juyq jasöspırım men jastardyŋ sporttyq şeberlıgın şyŋdaidy. Bızdıŋ sportşylar 12 halyqaralyq jarysta 39 altyn, 27 kümıs, 29 qola medal jeŋıp aldy, – dedı qauymdastyq basşysy.
Qauymdastyq qūramyna kıretın 9 sporttyŋ altauy atpen tıkelei bailanysty. Sporttyŋ osy türlerınen jarystar jazda dalada ötse, qysta ötkızuge laiyqty manejder joq. El boiynşa 40-qa juyq ippodrom bolǧanymen, halyqaralyq jarysty qabyldauǧa kelmeidı. Sonyŋ saldarynan jahan jūrty qyzyǧa köz tıgetın ūşqyr bäigenı damytu mümkın bolmai otyr. Salada būdan bölek mäseleler bar. Olar: ūlttyq sportty damytatyn maman daiarlau, ūlttyq jäne kommersiialyq kompaniialardan qarjy tartu, salanyŋ infraqūrylymyn jetıldıru, halyq arasynan keŋınen nasihattau.
Bas redaktorlar klubynyŋ prezidentı, Senat deputaty Bibıgül Jeksenbai, Ūlttyq media qauymdastyǧynyŋ töraǧasy Kemelbek Oişybaev, «Qazaq gazetterı» JŞS bas direktory Dihan Qamzabekūly, «Habar» agenttıgı aksionerlık qoǧamynyŋ bas direktory Berık Uäli, Túrkistan halyqaralyq saiasi aptalyǧynyŋ bas redaktory Bauyrjan Babajanūly jäne basqa da aqparat qūraldarynyŋ basşylary ūsynys-pıkırın aityp, ūlttyq sport türlerın aqparattyq tūrǧyda qoldaitynyn bıldırdı. IV Düniejüzılık köşpendıler oiyny qarsaŋynda ūlttyq sport töŋıregınde jürgen mamandar men sportşylardy nasihattauǧa uaǧdalasty.
