Bas qaladaǧy Ahmet Baitūrsynūly atyndaǧy BINOM mektebınde «Qara şaŋyraq» qoǧamdyq bırlestıgınıŋ ūiymdastyruymen «Jahandyq qaita qūrular däuırındegı ūrpaq tärbiesı» taqyrybynda jiyn öttı.
Şaraǧa ǧylymi-zertteu mekemelerınıŋ ökılderı, jetekşı qazaqstandyq sarapşylar, joǧary oqu oryndarynyŋ professorlary, mektep direktorlary, ǧylymi qoǧamdastyq jäne damu instituttarynyŋ ökılderı qatysty.
«Qara şaŋyraq» qoǧamdyq bırlestıgı ūlttyq bıregeilık ideiasyn tereŋ paiymdauǧa, qazaq halqynyŋ ūlttyq qūndylyqtary men mädeni mūrasyn jandandyruǧa, olardy qoǧamdyq jäne halyqaralyq deŋgeige ılgerıletuge, memlekettık tıldıŋ rölın küşeituge baǧyttalǧan şaralardy jüzege asyrudy közdeidı.
Jiyndy jürgızgen «Qara şaŋyraq» QB keŋesınıŋ töraǧasy Darhan Myŋbai memlekettık tıldıŋ maŋyzy, otandyq tarih jäne ūrpaq tärbiesıne toqtaldy.
– Ükımet bekıtıp, qolǧa alynyp jatqan «Jaily mektep» ūlttyq jobasyna elımız ülken ümıt artyp otyr. Öitkenı atalǧan joba orta bılım oryndarynyŋ jetıspeuşılıgı mäselesın jüielı türde şeşuge, apatty jäne üş auysymdy mektepter problemasyn joiuǧa baǧyttalǧan. Ol 2025 jylǧa deiın 842 myŋ oquşyǧa arnalǧan jaŋa formattaǧy mektepterdı paidalanuǧa berudı közdeidı. Alaida osyndai jobanyŋ memlekettık tıldegı atauynyŋ sätsız ekenı bırden közge tüsedı. Sonda qalǧan mektepterdıŋ barşasy jaisyz mektep bolǧany ma? «El mektebı», «Zamanaui mektep», «Jaŋa mektep», «Kemeldengen mektep» dep atalsa, atyna zaty sai bolyp şyǧar edı. Äitpese özge tılden köşırme nūsqasy – kalka audarmasy tüp maǧynasynan alşaqtap, tıl tabiǧatyn dūrys bere almaǧanynan būryn, jasandylyqqa bailanyp tūrǧandai körınedı, – dedı Darhan Myŋbai.
L.Gumilev atyndaǧy Euraziia ūlttyq universitetınıŋ professory Ǧaliiabanu Kertaeva, jas ǧalym Alma Sailauqyzy, Ahmet Baitūrsynūly atyndaǧy BINOM mektebınıŋ direktory Mars Ablezov, «Yryskeldı qajy» meşıtınıŋ bas imamy Nūrlan Baijıgıtūly ūsynylǧan taqyryp boiynşa oiymen bölıstı. Pıkırtalasta «Qara şaŋyraq» qoǧamdyq bırlestıgınıŋ ūzaq merzımdı jospary talqylanyp, ūsynystar aityldy.
Jıbek RAHİMOVA,
L.Gumilev atyndaǧy Euraziia ūlttyq universitetınıŋ 2-kurs studentı
