Qala äkımı Altai Kölgınov Saryarqa jäne Almaty audandary tolyqtai gazben qamtamasyz etılıp, 4,6 myŋnan asa üi gazǧa qosylǧanyn mälımdedı. Altai Kölgınov Instagram paraqşasyndaǧy jazbasynda kögıldır otynnyŋ qala ekologiiasyna oŋ äser etıp, tūrǧyndardyŋ ömırın edäuır jeŋıldetkenı turaly jazdy.
«Üilerdı gazǧa qosu jūmysyn jeŋıldetu üşın osyǧan deiın bırqatar şara qabyldadyq: qajettı qūjattar tızımı qysqardy, jaǧdaiy tömen otbasylarǧa bölınetın soma 2 ese ūlǧaidy, eseptegış (gazdy esepteu qūrylǧylary) tegın berıledı, sol siiaqty paiyzsyz nesie beru baǧdarlamasy da bar. Mūqtaj azamattar üiın gazǧa qosu üşın äleumettık kömek ala alady. Säuır aiynan bastap materialdyq kömek kölemı ekı ese artyp, 410 myŋ teŋgeden (130 AEK-ke deiın) asty. Osy äleumettık kömek boiynşa tamyz aiynda 188 otbasy ötınış bıldırdı, onyŋ ışınde 178 otbasyǧa äleumettık kömek taǧaiyndaldy. Atalmyş kömektı alǧandar arasynda zeinetkerler, erekşe qajettıgı bar jandar, köpbalaly otbasylar jäne t. b. bar. Jalpy somasy 62,5 mln teŋgeden asady. Äleumettık kömektıŋ būl türın alu üşın ötınımdı egov.kz («Elektrondyq ötınışter» – «onlain qyzmetke tapsyrys beru») portaly arqyly beru qajet. «Kütıp ūstau» baǧanynda tūrǧyn üidı gazdandyru boiynşa äleumettık kömek, al «aluşy» baǧanynda – Jūmyspen qamtu jäne äleumettık qorǧau basqarmasy taŋdaluy qajet» dep tüsındırdı qala basşysy.
Ol sondai-aq qazırgı uaqytta Saryarqa jäne Almaty audandary tolyqtai kögıldır otynmen qamtamasyz etılgenın tılge tiek ettı.
«Ol üşın 680 şaqyrymnan astam gaz taratu jelısı salynyp, oramışılık jelıler tartyldy. 14 myŋ abonent gazǧa qol jetkızdı, 6 myŋnan astam abonent tehnikalyq kelısımşart aldy, sol siiaqty 4,6 myŋnan astam üi gazǧa qosyldy. Būdan bölek, äleumettık nysandar gazǧa qosyldy. Baiqoŋyr jäne Esıl audandarynda gaz qūbyryn tartu jūmysy bastaldy. Mäselen, būl – İlinka (Ürker), Öndırıs, Prigorodnyi, Telman eldı mekenderı, «Family Village», «Garden Village» şaǧyn audandary jäne taǧy basqalar. Şūbar şaǧyn audanynda jobalau jūmysy jürıp jatyr. Al Esıl jäne Baiqoŋyr audandarynda aldymen jetkızuşı gaz qūbyryn, keler jyly oramışılık jelılerdı salamyz. Gazdandyru jūmysy Memleket basşysynyŋ tıkelei baqylauynda» dedı A.Kölgınov.
