Erman Batyrbek, ardager-ūstaz :
– Künı keşe zeinetaqy jüiesınde taǧy jaŋalyq bolady dep estıdım. Sūraiyn degenım, bazalyq zeinetaqynyŋ mölşerı qalai özgeredı jäne qandai qūjattar tapsyru kerek?
Oqyrman sūrauyna orai Eŋbek jäne halyqty äleumettık qorǧau vise-ministrı Svetlana Jaqypovanyŋ jauabyn ūsynamyz.
2018 jyldyŋ 1 şıldesınen bastap memlekettık bazalyq zeinetaqy tölemın qaita esepteu jürgızıledı. Būdan bylai zeinetkerdıŋ eŋbek ötılı 33 jylǧa tolsa, ol bazalyq zeinetaqynyŋ eŋ tömengı künkörıs deŋgeiınıŋ 100 paiyzyn alady. Barlyq zeinetkerlık jasqa tolǧan azamattarǧa taǧaiyndalǧan bazalyq zeinetaqynyŋ mölşerı eŋbek ötılıne jäne zeinetaqy jüiesıne qatysu ūzaqtyǧyna täueldı bolady. Bügınde zeinetaqy alatyn 2 millionnan astam adamnyŋ tölemderın qaita esepteu avtomatty türde jüzege asyrylady. Sondyqtan qaita esepteu kezınde eşqandai qosymşa qūjattar talap etılmeidı jäne ortalyqqa barudyŋ qajetı joq.
