Aqmola
Oblys äkımı Burabaida turizmdı damytu barysynda ıske asyrylatyn negızgı jobalardy tanystyrdy. Kurortty aimaqta aldaǧy jyldary sport jäne sauyqtyru ortalyqtary, otbasylyq otelder, akvasaiabaq, syrǧanau alaŋdary sekıldı türlı köŋıl köteru oryndary aşylmaq. Sonymen qatar, turisterdı köbırek tartu maqsatynda kottedjder qalaşyǧyn aşu da josparlanyp otyr.
Qaraǧandy
«Ruhani jaŋǧyru» jobasy aiasynda Qaraǧandy öŋırı boiynşa sporttyq keruen ūiymdastyryldy. Şara barysynda qaraǧandylyq belgılı sportşylar alys-jaqyn maŋaidaǧy auyl balalaryna şeberlık synyptaryn ūiymdastyryp, aşyq jattyǧular ötkızdı.
Atyrau
Atyrauda «Sifrly Qazaqstan» memlekettık baǧdarlamasy aiasynda «e-PİK» jobasy engızıledı.
Türkıstan oblysy
Jetısai audanyndaǧy Qyzylqūm auyldyq okrugıne qarasty Aqtöbe auylynda 300 orynǧa şaqtalǧan jaŋa mektep paidalanuǧa berıldı. Oblysta aldaǧy jyly 40-qa juyq bılım ūiasynyŋ qūrylysy bastalady.
Jambyl oblysy
Jambyl oblysynda mümkındıgı şekteulı azamattardy oŋaltu üşın öŋırlık biudjetten 662,8 mln teŋge kölemınde qarjy bölındı. Būl soma ötken jylmen salystyrǧanda 12,5 paiyzǧa köp bolyp otyr.
Aqtöbe
Byltyr Aqtöbe qalasyndaǧy 13 mektep üş auysymda bılım bergen. Biyl qalalyq bılım bölımı eskı mektepterdıŋ janyna jaŋa ǧimarat salu arqyly üş auysymdy mektep mäselesın şeştı.
Pavlodar
Ekıbastūzda Şahter künı toilandy. Ertıs öŋırınıŋ kenşılerı käsıbi mereke qarsaŋynda 30,8 million tonnadan asa kömır öndırdı. Būl ötken jylǧy körsetkışten 5,5 paiyzǧa artyq.
