Elımızde 1 millionnan astam student bılım alady. Bügınde olarǧa jataqhana jetıspeuşılıgı 70 myŋnan astam oryndy qūrap otyr. Iаǧni 70 myŋ student päter jaǧalap, oqudyŋ emes, kerısınşe, päteraqynyŋ qamymen jürgenı anyq.
Soŋǧy 3 jyl boiy Amanat partiiasy studentterdıŋ jatyn oryn mäselesın jüielı köterıp, şeşıp kele jatyr. Jylda eŋ bolmaǧanda taǧy 10 myŋ studenttıŋ jaǧdaiyn jaqsartu partiiamyzdyŋ «Halyqpen bırge» baǧdarlamasynda arnaiy körsetılgen. Ol üşın bız 2023 jyldan bastap jataqhana qūrylysy üşın memlekettık tapsyrys tölemın 1,5 esege, al megapolisterge şamamen 2 esege köterıp, äkımdık tarapynan jer uchaskesın qaitarymsyz beru mäselesın de pysyqtadyq. Bıraq biyl taǧy da mäsele uşyǧyp tūr. 2023 jyldyŋ josparyna säikes, 11400 oryndyq 34 jataqhana ıske qosyluy tiıs edı. Alaida būl prosestıŋ öte baiau ärı tiımsız şaralardyŋ äserınen oryndalmai qalu qaupı joǧary.
Bıle bılseŋızder, studentter jataqhanasy būl eŋ maŋyzdy äleumettık nysan ekenın eskeretın uaqyt jettı. Jyl bel ortasyna jetse de, 6 aida 11 myŋ orynnan astam salynuy tiıs jataqhanalardyŋ tek 900 oryndyq ekeuı ǧana, iaǧni 8 paiyzy ǧana ıske qosyldy. Būl – bır. Ekınşıden, sol tızımdegı jataqhanalardyŋ 2,2 myŋ orny müldem salynbai qalu qaupınde tūr. Iаǧni qoiylǧan meje de, berıletın studenttık jataqhanalar da salynbaidy degen söz. Üşınşıden, jergılıktı äkımdıkter älı de bolsa studenttık jataqhanalardy saluǧa müddelı emes ekenın naqty körsetude. Onyŋ ışınde bılım beru ūiymdaryna jer bölu, ǧimarattardyŋ nysanaly maqsatyn özgertu, qajettı qūjattardy retteu boiynşa jūmysty biurokratiiaǧa ainaldyrudyŋ qajetı joq. Menıŋşe, Ükımet tarapynan jataqhana salu boiynşa «qaldyqty prinsiptı» ūstanu jas studentterge jasalǧan ädıletsızdık dep sanaimyn.
Osy rette, atalǧan mäselenıŋ maŋyzyn eskere kele, tömendegını ūsynamyz: bırınşıden, jataqhana mäselesı uşyǧyp tūrǧan aimaqtardyŋ äkımdıkterı men ortalyq memlekettık organdar tarapynan tez arada bırlesken naqty ıs-qimyl josparyn bekıtudı ūsynamyz. Ekınşıden, investorlarmen jüielı jūmysty ūiymdastyryp, jaz, küz ailarynda qūrylys jūmystarynyŋ qarqynyn küşeitu kerek. Ol üşın jergılıktı äkımdıkterdıŋ de mümkındıkterın zaŋ aiasynda paidalanudy qarastyrsaq. Üşınşıden, studenttık jataqhanany äleumettık maŋyzy bar nysan retınde qarastyryp, jataqhana salu mäselesınde arnaiy memleket pen jekemenşık ärıptestık deŋgeiındegı jaŋa baǧdarlamany ıske qosu qajet. Küzgı oqu nauqanynda vokzalda, dalada qonǧan jas auyldastarymyzǧa aianyşpen qaramau üşın nätijelı jūmystardy pysyqtau kerek.
Elnūr BEISENBAEV,
Mäjılıs deputaty
