Astanadan auylǧa deiın…
Astana
Osy aptada elordaǧa 630 tonna kömır jetkızıldı. Qazırgı taŋda kömırdıŋ jalpy qory 11167,05 tonnany qūraidy.
Almaty oblysy
Eŋbekşıqazaq audanynda baspasöz ökılderı ölketanu saiahatyna şyqty. Jurnalistermen bırge jergılıktı tarihşylar Esık kölınde, Türgen şatqalynda, «Esık» memlekettık tarihi-mädeni qoryq-muzeiınde bolyp qaitty.
Türkıstan oblysy
«Türkıstan oblysynda agroönerkäsıptık keşenın damytudyŋ öŋırlık baǧdarlamasy» aiasynda oblysta auyl şaruaşylyǧy önımın öŋdeitın 45 käsıporyn ıske qosylady. Bügınge deiın öŋırde 43 myŋ tonna süt qaita öŋdelıp kelse, keleşekte onyŋ kölemı 92 myŋ tonnaǧa artady.
Jambyl oblysy
«TarazGazÖnımderı» JŞS şeteldık «Vizon İnjiniring LTD» kompaniiasymen bırlesıp, 16 mlrd teŋge tūratyn Qaroi auyldyq okrugınde sūiyq gazdy qaita öŋdeitın zauyttyŋ qūrylysyn bastaidy.
Qyzylorda oblysy
N.Bekejanov atyndaǧy qazaq muzykalyq drama teatry halyqaralyq öner festivalıne R.Otarbaevtyŋ «Narkom Jürgenov» dramasymen qatysyp, «Ūlttyq avtorlardyŋ üzdık dramasy» ataǧyna ie boldy. Al Syrym Äbdrazaqov bas keiıpkerdıŋ beinesın üzdık somdaǧany üşın «Üzdık er adam beinesı» nominasiiasy boiynşa marapattaldy.
Aqtöbe oblysy
Aqtöbe qalasynda ūlttyq valiuta – teŋgenıŋ 25 jyldyǧyna orai QR Ūlttyq Bankı Aqtöbe filialynyŋ ūiymdastyruymen «Teŋge – balalardyŋ közımen» atty suret baiqauynyŋ qorytyndysy jariialanyp, üzdıkter marapattaldy.
Şyǧys Qazaqstan oblysy
Jyl basynan berı Reseiden ŞQO-ǧa 5 myŋnan asa turist kelgen. Būl soŋǧy üş jylmen salystyrǧanda 4,5 ese köp.
Soltüstık Qazaqstan oblysy
Petropavlda alǧaş ret mi ısıgıne şaldyqqan nauqasqa kürdelı ota jasaldy. Osyǧan deiın tek Astana, Almaty siiaqty qalalardyŋ emdeu ortalyqtarynda ǧana jasalatyn kürdelı otany bılıktı maman-därıgerlerdıŋ arqasynda öŋırlerde de jasauǧa mümkındık aşylyp otyr.