Premer-ministr Asqar Maminnıŋ töraǧalyǧymen ötken Ükımet otyrysynda eldegı sanitarlyq-epidemiologiialyq jaǧdai qaraldy.
Densaulyq saqtau ministrı Aleksei Soi Qazaqstandaǧy sanitarlyq-epidemiologiialyq jaǧdai tūraqty ekenın aitty. Barlyq öŋırlerde auru deŋgeiı, auyr jaǧdaidaǧylar men stasionarlyq jäne ambulatorlyq em alyp jatqandar sany aitarlyqtai tömendedı. Virustyŋ reproduktivtılık indeksı – 0,97. İnfeksiialyq tösek-oryndar jüktemesı – 34%, reanimasiialyq tösek-oryndar jüktemesı – 29%.
Bügınge deiın ındetke qarsy vaksinanyŋ bırınşı komponentın 8 mln-nan astam adam, ekınşı komponentın 7,2 mln-ǧa juyq adam aldy. Ūjymdyq immunitettıŋ 60%-yna qol jetkızu mındetı qoiyldy. COVID-19-dyŋ taralu qarqyny boiynşa «jasyl» aimaqta – Şymkent qalasy, Aqtöbe, Türkıstan, Jambyl, Maŋǧystau jäne Qyzylorda oblystary, «sary» aimaqta Atyrau, Almaty, Qaraǧandy, Batys Qazaqstan jäne Şyǧys Qazaqstan oblystary ornalasqan. «Qyzyl» aimaqta Almaty jäne Nūr-Sūltan qalalary, Aqmola, Qostanai, Pavlodar jäne Soltüstık Qazaqstan oblystary qalyp otyr. Qazaqstanda tūmauǧa qarsy egu nauqany jalǧasuda. Qazırgı uaqytta 1,4 mln qazaqstandyq tūmauǧa qarsy ekpe saldyrdy. Ükımet basşysy ındet pen tūmauǧa qarsy egu nauqanyn jalǧastyrudy tapsyrdy.
