M.Ötemısov atyndaǧy Oquşylar saraiynda äleumettık jaǧdaiy tömen otbasylardan şyqqan balalarǧa elorda äkımınıŋ atynan jaŋa jyldyq syilyqtardy derbes jetkızu boiynşa «Jaŋa jyldyq sapar» ekspress-estafetasy bastaldy.
Estafetanyŋ saltanatty aşyluyn dästür boiynşa Aiaz ata men Aqşa qar, el Täuelsızdıgınıŋ 30 jyldyǧyn beineleitın ertegı keiıpkerlerı men 30 aǧaiyndy aiazdar qorşap aldy. Ata-anasynyŋ qamqorlyǧynsyz qalǧan, az qamtylǧan jäne köpbalaly otbasylardan şyqqan, erekşe bılım alu qajettılıgı, mügedektıgı bar balalar, sondai-aq oquda, sportta, şyǧarmaşylyq pen qoǧamdyq ömırde jetıstıkke jetken daryndy jastar Nūr-
Sūltan qalasy äkımınıŋ atynan kiım satyp aluǧa 50 myŋ teŋgege sertifikat, tättıler, üstel oiynyn jäne qūttyqtau haty türındegı jaŋa jyldyq syilyqtar aldy. Jaŋa jyldyq syilyqtardy Aiaz ata men Aqşa qar jetkızdı. Syilyqtardy jetkızu qala boiynşa «Jaŋa jyldyq reis» türınde öttı. Qazaqstan Prezidentı men elorda äkımınıŋ atynan barlyǧy 800 astanalyq bala jaŋa jyldyq syilyqtarǧa ie boldy.
«Jaŋa jyldyq merekeler – balalarymyzdyŋ ǧajaiyptar men siqyrlarǧa senetın kezı. Balalarymyzǧa arnap «Jaŋa jyldyq sapar» ekspress-estafetasyn ūiymdastyrdyq. Memleket basşysy men äkımdıktıŋ atynan äleumettık jaǧdaiy tömen otbasylardan şyqqan 600 balaǧa syilyqtar men aqşalai sertifikattar tapsyryldy. Sonymen qatar audan äkımdıkterı balalardy kele jatqan Jaŋa jyl merekesımen qūttyqtauda.
Bügın ärıptesterımızben bırge «Mamandandyrylǧan balalar üiıne» bardyq. Jaŋa jyl qarsaŋynda balalarǧa erekşe köŋıl küi syilaǧanymyz jön. Balalarǧa arnalǧan merekelık ıs-şara ūiymdastyryldy. Ädettegıdei, Aiaz ata qūttyqtap, balalarǧa syilyqtar üilestırdı.
Būl balalar üiınıŋ erekşelıgı – onda oŋaltu qyzmetterı de körsetıledı. Ūiymda kürdelı jöndeu jürgızıldı, materialdyq-tehnikalyq baza jaŋartyldy. 2022 jylǧy qaŋtardan bastap pedagogtardyŋ, onyŋ ışınde arnaiy mekemelerde jūmys ısteitın mamandardyŋ jalaqysy 20 paiyzdan astam köterıledı» dedı Nūr-Sūltan qalasynyŋ äkımı Altai Kölgınov elordada ötıp jatqan jaŋa jyldyq ıs-şaralar jaiynda.
