Qazaqstannyŋ Koreia Respublikasyndaǧy elşılıgınıŋ qoldauymen korei tılınde Abai atamyzdyŋ öleŋderı qamtylǧan «Altyn şaŋyraqta şyrqalǧan än» atty kıtap jaryq kördı.
Kıtapqa ūly aqynnyŋ 106 öleŋı men 2 epikalyq poemasy engızılgen. Sonymen qatar biyl qaŋtar aiynda jariialanǧan Memleket basşysy Qasym-Jomart Toqaevtyŋ «Abai jäne HHI ǧasyrdaǧy Qazaqstan» atty maqalasy berılgen. Jinaqtyŋ avtory – korei jazuşysy Kim Biong Hak.
Kim Biong Hak 1992 jyly Qazaqstanǧa qonys audaryp, Almaty oblysynyŋ Üştöbe qalasyndaǧy Korei ortalyǧynda jūmys ıstedı. Odan keiın Abai atyndaǧy
Qazaq ūlttyq pedagogikalyq universitetınde korei tılınen sabaq berıp, «Korio İlbo» gazetınıŋ tılşısı, Almatydaǧy Korei bılım beru ortalyǧynyŋ direktory qyzmetın atqarǧan.
2016 jyly avtor Koreia Respublikasyna qaita oraldy. Qazırgı taŋda Kvandju qalasyndaǧy TMD koreilerınıŋ mädeni ortalyǧy jetekşılerınıŋ bırı. Ol bügınde TMD-daǧy koreiler tarihyn zerttep jür.
Taǧy bır aita keterlıgı, Oŋtüstık Koreiada Abai men äl-Farabi beinelerı basylǧan markalar paida boldy. Eldegı negızgı poşta operatory «Korea Post» alǧaş ret Qazaqstan markalaryn basyp şyǧardy. Markalardyŋ dizainy aǧylşyn tılınde Abaidyŋ 175 jäne äl-Farabidıŋ 1150 jyldyǧy belgılerımen däiektı stilde jasalǧan
