Nūr-Sūltanda audandardy abattandyru jūmystary jüielı türde jalǧasuda. Qūrylys Memleket basşysynyŋ Qazaqstan halqyna Joldauyn ıske asyru şeŋberınde jäne qala basşylyǧynyŋ tapsyrmasyn oryndau maqsatynda «Nūr-Sūltan – jaily qala» master-josparynyŋ tūjyrymdamasyn jüzege asyru aiasynda jürgızılude.
Baiqoŋyr audanynda 237 aula bar. Osy jyly 57 aulada 9 futbol alaŋy, 2 basketbol alaŋy, 210 köşe trenajerı, 570 bırlık şaǧyn säulet nysandary ornatyldy. Abattandyru kezeŋınde audanda 12 000 şarşy metr aumaq töselgen taspen (bruschatkamen), al 19 000 şarşy metr asfaltbeton jabynymen jabyldy. Ötpe joldar, tūraq aimaqtary jailastyryldy, sondai-aq kögaldandyru jürgızıldı. Biyl «Halyq qatysatyn biudjet» jobasy aiasynda 8 aula men 1 skverdı abattandyru jürgızıldı. Baǧdarlamanyŋ maqsaty – tūrǧyndardyŋ bastamasy jäne ūsynystary boiynşa audandy damytu jäne abattandyru.
Qoǧamdyq keŋıstıktı jailastyru kezınde tūrǧyndardyŋ pıkırı ünemı eskerıledı, şeşımder ūjymdyq türde qabyldanady. Atap aitqanda, uchaskeler belgılı bır aimaqtarǧa bölındı – eresekter, jastar, sondai-aq egde jastaǧylar üşın. Är keŋıstıkte, jas erekşelıkterıne qaramastan, barlyq tūrǧyndar bos uaqytyn ötkıze alady, mūnda köşe trenajerlerınıŋ elementterı bar balalar, sport jäne gimnastika alaŋdary, köşe vorkauty men skeit alaŋdary, sändık köşe būrylystary, oryndyqtar men urnalary bar praktikalyq köleŋkelı şatyrlar bar.
Esıl audanynda da auqymdy jūmystar jalǧasuda. Mūnda «Ürker», «Prigorodnyi» jäne «Telman» tūrǧyn alaptary abattandyrylady. Ärbır uchaske kelesı körsetkışter boiynşa jaŋartylady: jelıler men joldardyŋ qūrylysy, joldardy jöndeu, sanitarlyq tazalau, su tasqynyna qarsy küres, jaryqtandyru jäne abattandyru. Mysaly, tek «Telman» tūrǧyn alabynda ūzyndyǧy 120 m trotuar salu boiynşa jūmystar jüzege asyryldy.
