– El Prezidentı Qasym-Jomart Toqaevtyŋ «Egemen Qazaqstan» gazetınde jariialanǧan auqymdy sūhbatynan qazaqstandyqtar eldegı saiasi prosesterge qatysty barlyq saualdaryna tolyqqandy jauap taba alady. Memleket basşysynyŋ sūhbatyn ülken qyzyǧuşylyqpen oqyp şyqtym. Bügıngı tarihymyzdyŋ barysyna äser etken Qaŋtar oqiǧasyna qatysty jedel ärı naqty şeşım qabyldauǧa tura kelgen qyzyqty jaittar qamtylǧan. Prezident elımızde qordalanǧan äleumettık mäselelerdıŋ qalai şeşılgenı turaly baiandady. Mysaly, mektep qūrylysy, onyŋ ışınde «jaily mektep» salu, medisinalyq nysandar salu, äleumettık ahualy tömen toptaǧy azamattardy keşendı qoldauǧa baǧyttalǧan Äleumettık kodekstı engızuge qatysty mäseleler jan-jaqty tüsındırılgen. Ziiandy eŋbek jaǧdaiynda jūmys ısteitın azamattar üşın arnauly äleumettık tölemder bekıtıldı. Densaulyǧy men ömırıne tönetın qauıptı eskere otyryp, tabiǧat qorǧau qyzmetınıŋ mamandaryna qosymşa tölem bekıtıldı. Medisinalyq qyzmetkerler, mektep, kolledj, balabaqşa pedagogtarynyŋ jalaqysy artty. Ūlttyq qordan balalarǧa tölem jasau turaly zaŋ qabyldandy. Negızgı ekonomikalyq körsetkışterdı, sonyŋ ışınde infliasiia deŋgeiın eskere otyryp, eŋ tömengı jalaqyny anyqtaudyŋ jaŋa ädıstemesı qabyldandy. Būǧan qosa Memleket basşysy jaŋa jyldan ne kütetının, Qazaqstanda ötetın maŋyzdy ıs-şaralar jaily baiandady. Köpşılık būl sūhbattan özın tolǧandyrǧan sūraqtaryna jauap taba alatynyna senımdımın. Men balalar men äielderge qatysty zorlyq-zombylyq jasaǧandarǧa qandai şaralar qoldanylatyny jäne aldyn alu jūmystary qalai küşeitıletını turaly bılgım kelgen. Sūhbattan osy sūraqtardyŋ jauabyn aldym.
Saltanat DJENALAEVA, qalalyq mäslihat deputaty, Amanat partiiasy janyndaǧy Otbasy jäne halyqty äleumettık qorǧau mäselelerı jönındegı keŋestıŋ töraǧasy
