Ūstaz – ūly tūlǧa. Osy sözdı kım aitsa da bılıp aitqan. Balaǧa tälım-tärbie berıp, onyŋ arman-qiialyn kökke şaryqtatatyn da ūstaz. Sondai qūrmetke laiyq jannyŋ bırı dep №34 orta mekteptıŋ tehnologiia pänı mūǧalımı Mereke Akişevtı aitar edım.
Men Merekenı bıraz jyldardan berı bılemın. Artyq sözge joq, mınezge bai, sabyrly adam. Naǧyz pedagog osyndai bolar. Bala janyn tereŋ tüsınedı. Onyŋ üstıne özı aǧaştan tüiın tüigen şeber. Halqymyzdyŋ saf önerın bügıngı ūrpaqqa jalǧap jürgen «altyn köpır» dep aitamyn.
Mereke atalǧan bılım ordasynda bıraz jyldardan berı jūmys ısteidı. Ol oquşylarǧa tehnologiia pänınen sabaq berıp qana qoimai, «Qazaq qolönerı» degen üiırme aşyp, jetkınşekterge şeberlık önerdıŋ qyr-syryn üiretedı. Būrynǧy babalarymyz jasaǧan būiymdardy qaita jaŋǧyrtyp, jas ūrpaqqa ūlttyq önerdıŋ dänın seuıp keledı. Qazır onyŋ şäkırtterınıŋ qolynan şyqqan būiymdar qalalyq, respublikalyq körmelerge qoiylyp, köpşılıktıŋ köŋılınen şyqty.
Jalpy, būl bılım oşaǧynda oquşylardy käsıpke baulu jaqsy jolǧa qoiylǧan. Mäselen, Ǧaliia Jeleubaiqyzy, Nūrsūlu Baltaşqyzy, Ainūr Jeksenbekqyzy, Qorlan Bolatbekqyzy, Güljan Erkınqyzy degen mūǧalımder tegın üiırme jūmystaryn jürgızıp, balalardyŋ estetikalyq talǧamyn qalyptastyruǧa belsendı üles qosyp keledı.
Qazır oquşylar mektep qabyrǧasynda jürıp bır käsıptı meŋgeru turaly söz jiı aitylady. Būl baǧytta atalǧan mekteptıŋ qolǧa alynǧan jobalary süisıntedı. Bılım ūjymy 2017 jyly «käsıpkerlıkke daiarlau mektebı» atty jobany qorǧap, «Samǧau» innovasiialyq jobasyna endı. Saiyp kelgende, mektep ūstazdary oquşylarǧa sapaly bılım bere otyryp, olardy käsıpkerlıkke negızdeu arqyly bolaşaǧyna jol körsetudı közdeidı.
«Bızdıŋ maqsatymyz – barlyq balany käsıpker qylyp şyǧaru emes, ömırge beiım, özın-özı käsıbi anyqtai alatyn bäsekege qabılettı tūlǧa tärbieleu. Är ūstaz öz şäkırtıne senımmen qarasa ǧana baladan ülken adam şyǧady. Soŋǧy ekı jyl ışınde oquşylarymyzdyŋ jūmysy qala jäne respublikalyq körmelerge ūsynyldy» dedı mektep direktory Didar Rahimberlina.
Sözımızdıŋ basynda Mereke Balǧabaiūly turaly qysqaşa ǧana aittyq. Ondaǧy negızgı oiymyz: Mūǧalımder künı merekesınde ün-tünsız, dabyrasyz eŋbek etıp, oquşylarǧa ūlttyq qolönerdıŋ syryn üiretıp jürgen ūstaz turaly bır jyly söz arnau edı.
Ospan Süleimenov,
QR bılım beru ısınıŋ üzdıgı
