Elordada ötken RATA – Aziia jäne Tynyq mūhity elderınıŋ turistık qauymdastyǧy körmesıne Ündıstannyŋ eŋ ülken ştaty Radjastannan ştattyŋ turizm ministrı Goving Singh Dotastra, turizm departamentınıŋ hatşysy Şreiia Guha kelgen bolatyn. Lauazymdy qonaqtar körme zalynda qatar ornalasqan basqa da ündı körmelerın aralap, bır bırınıŋ iyǧyna jıbek oramal jauyp syilastyǧyn bıldırdı. Qazaqtyŋ şapan jabu saltyna ūqsaityn ädemı körınıstıŋ sebebın sūraǧanda: «Qonaǧyna ülken qūrmet retınde iyǧyna oramal jabamyz. Oramal qoldan kestelenıp, arnaiylyp toqylady, osylaişa qūrmetımızdı bıldıremız» dedı. 
Bızderde köpten kütken qonaqtarymyzdai yqylas bıldırıp, şaǧyn sūhbatta köp jaiǧa qanyqtyq. Atap aitqanda Radjastan – turister arasyndaǧy eŋ tanymal ştat. Tarihi eskertkışterı köp, türlı taǧamǧa bai, mädenietı. şöldegı safarimen qosa, ormandy alqaby men faunasy erekşe jer eken.
Esterıŋızde barma, osydan bırneşe jyl būryn teledidar «Kelın» serialyn tamaşalaǧan edık qoi. Anandi ūzatylyp bara jatqandaǧy tüieköşınıŋ saltanaty. Būl Radjastannyŋ şöldı aimaǧynyŋ köş-keruenı.
Jyl saiyn, Puşkarda osy attas köldıŋ jaǧasyna ornalasqan eldı mekende tüie järmeŋkesı ötedı. Mūnda şöl dalasynyŋ köşpendılerı men jergılıktı şarualary januarlardy bazarǧa salyp, sauda jasaidy. Bır aptaǧa sozylatyn merekede jarys ötkızıp, eŋ ädemı tiurban kiıngen tüiekeşter ösırgen malynyŋ jyldamdyǧy men şydamdylyǧyn synǧa salady. Qyzyldy-jasyldy äsem sarige oranǧan radjastandyq ädemı äielder de merekenıŋ sänıne ainalady. Jalpy būl jerde ejelgı salt-dästürı jaqsy saqtalǧan.
-Bıraq tek şölınıŋ sūlulyǧy emes, bügın körmege äsem tabiǧatynyŋ, tarihi oşaqtarynyŋ körınısterın de alyp keldık. Tarihi eskertkışterge de bai ştat. Kölder, qalyŋ ormandar men qatar tarihi hramdardy aralauǧa bolady. Turizm salasyndaǧy baǧyttarǧa keler bolsaq, bızdıŋ ükımettık baǧdarlamamyzda alǧaş bolyp eskerılgen jait – turisterdıŋ qauıpsızdıgı. Ol üşın, tıptı, turistık polisiia punkterı bar. Iаǧni, Radjastanǧa kelgen turister polisiia uchaskesın ızdep jürmeidı, barlyq jerde derlık turistık polisiia otyr. Solarǧa jügınıp, kömek sūrai alady. Mūnyŋ barlyǧy turister özderın qauıpsız sezınuı üşın, olardy qorǧaityn, kömekke keletın tūlǧalar bar ekenın bılu üşın jasalǧan. Kelesı qolǧa alynǧan şara – tazalyq. Turister özderın üiındegıdei qylyp sezınuı – bız üşın maŋyzdy. Aita bersek, punkt köp. Bıraq turister üşın eŋ bastysy – qauıpsızdık pen tazalyq kerek dep ministr myrza tüsındırgen bolatyn.
Bız bolsaq taǧy da, «Kelınnıŋ» jelısın esımızge tüsırdık. Serial keiıpkerı ara-tūra Djaipurǧa baryp tūartyn. Būl Radjastan aimaǧynyŋ astanasy jäne qazır turistık aimaǧy – Djaipur. Mūnda HÜIII ǧasyrdyŋ säulet ülgısıne jatatyn ataqty Hava-Mahal saraiy bar. Bır qyzyǧy būl bar bolǧany bes qabatty üidıŋ biıktıgındei ǧimarattyŋ qas betı ǧana. Ne üşın saldy deisız ǧoi. saraidyŋ hanşaimydary syrt közge körınbei tasada tūryp köşede bolyp jatqan oqiǧalardy qyzyqtau üşın tūrǧyzylǧan.
Barmer hramy, dalalyq jer – Daus, Radjamand kölı, Tonkadaǧy meşıtter, qarapaiym bazarlar Radajstanǧa kelgen turister jiı baratyn jerler. Saiahatty jaqsy köretın jandar Alvar Sariska jolbarys qoryǧy men Ranthambor Savaimadhopur, Keoladeo Bharatpur ūlttyq parkterın de aralaidy.
Ministr myrzaǧa «Qazaqstandyqtar sızdıŋ aimaq turaly köp bıle bermeidı. Radjastan turaly aqparat az siiaqty, qalai oilaisyz?
-Sol üşın de men osyndaman. Radjastandy tanytu üşın, adamdar köbırek bıluı üşın RATA körmesıne arnaiy qatysyp jatyrmyz. Mūndai körmelerdıŋ turistık aimaq üşın maŋyzy zor. Radjastannyŋ turizmın damytqymyz keledı. Radjastannan türlı tüstı kiım men şölden bölek, özındık mädenietı saqtalǧan aimaq. Sondyqtan Radjastanǧa kelıp, tanysuǧa keŋes beremın. İä, radjastandyqtar da Resei turaly bıledı. Bıraq Qazaqstan jaily az bıledı. Sondyqtan bügıngı körme ekı el tūrǧyndary arasyndaǧy köpır bolary sözsız- dep ümıtın bıldırdı.
RADJASTANDY ARALAU ÜŞIN TURİSTIŊ BIýDJETI ŞAMAMEN QANŞA BOLU KEREK?
Būl turistıŋ qalauy men qaltasyndaǧy aqşasyna bailanysty. Eger all inclusive bolsa, iaǧni qaladaǧy nysandardy, turistık jerlerdı köbırek körgısı kelse, qymbatyraq qonaqüide tūrǧysy kelse, mūndai qonaqüiler men qyzmetter bar. Al eger «biudjet» turist bolsa, onda onyŋ da aqşasyna säikes arzan qonaqüiler bar. Mūndaida Radjastandy qauıpsız qonaqüide tūryp, aimaqty aralau qymbat emes. Radjastanda tek ūşaqpen emes, kölıkpen da aralap şyǧuǧa bolady.
QAZAQSTAN RESPUBLİKASYNDAǦY ÜNDISTANNYŊ TÖTENŞE JÄNE ÖKILETTI ELŞISI PRABHAT KUMAR:
1992 jyly Qazaqstannyŋ Tūŋǧyş Prezidentı Nūrsūltan Nazarbaevtyŋ Ündıstanǧa jasaǧan sapary esımde. Sol kezden bastan ekı el arasynda öte jyly dostyq qarym-qatynas ornady. Men Nūr-Sūltan qalasyna būǧan deiın ekı ret — 2015 jäne 2017 jyldary kelgen bolatynmyn. Är kelgen saiyn jas astananyŋ köz ılespes jyldamdyqpen damyp jatqanyna qairan qalamyn. Negızınde nebärı jiyrma şaqty jyldyŋ ışınde mynadai säulettı qalany tūrǧyzu — taŋǧalarlyq jait. Bügınde sızdıŋ el men bızdıŋ el ortasynda aptasyna toǧyz ret ūşaqtar qatynaidy. Sonyŋ arqasy bolar, qos memleketten de baratyn turister sany artyp keledı. Mysaly, jyl saiyn şamamen 20 myŋdai qazaqstandyq Ündıstanǧa saparlap qaitady. Tura sol şamadaǧy ündıstandyq azamattar da Qazaqstanǧa kelude.
