Biyl elorda meşıtterınde Ramazan aiynyŋ quanyşyn süiınşılei keletın mübärak ait merekesı ūlttyq sipatta toilana bastady. Aldymen taŋǧy altydan qala meşıtterınde qasiettı Qūran aiattary oqylyp, būdan soŋ Oraza aity merekesı jaiynda uaǧyz aitylyp, ait namazynyŋ erekşelıkterı baiandaldy.
«Nūr Astana» ortalyq meşıtıne ait namazyna jiylǧan halyqtyŋ sanynda esep bolmady. Sebelei jauǧan jaŋbyrǧa qaramastan būqaranyŋ būl merekege degen yqylasynyŋ jyldaǧydan erekşe ekenın baiqauǧa bolady. Ait namazynan soŋ jiylǧan jūrtşylyq kiız üilerde jaiylǧan aq dastarqannan däm tatyp, köterıŋkı köŋıl-küide ait meiramyn būqara bolyp toilady.
Merekelık şaranyŋ ötuıne ūiytqy bolǧan QMDB-nyŋ Astana qalasyndaǧy ökılı, «Nūr Astana» meşıtınıŋ bas imamy Nauryzbai qajy Taǧanūly älmisaqtan mūsylman halqynyŋ ekı ūlyq merekesı – qūrban ait men oraza aityn ūlttyq sipatta ötkızudı qolǧa alyp otyrǧandyqtaryn aitty. «Biylǧy jyl Dıni basqarmamyzdyŋ töraǧasy, bas müfti Erjan qajy Malǧajyūlynyŋ bastamasymen «Dın jäne dästür» jyly dep jariialanǧany būqaraǧa belgılı. Mıne, osy ataudyŋ özı jaidan jai emes. Bız – ata dınımız ben baba dästürın üilestıre bılgen dana halyqtyŋ ūrpaǧymyz. Bızdıŋ barlyq derlık dästürımız şariǧatpen bıte qainasqan. Sport, salauatty ömır salty – İslam dınınıŋ basty ūstanymy. Densaulyq – amanat. Al, osynau ūlyq merekede bas qosyp, körısıp, bır-bırımen qauyşyp, dastarqandas bolu – niettes boludyŋ nyşany. Nietı, tılegı bır halyqtyŋ bolaşaǧy eşqaşan būlyŋǧyr bolmaidy. Täuelsız eldıŋ aq taŋynda jūrtşylyq bügın mäz-meiram, baiqaǧan bolarsyzdar, esı kırgen baladan eŋkeigen qariiaǧa deiın osy mübärak merekenıŋ ortasynda jür. Osynyŋ barlyǧy – Allanyŋ qazaq halqyna bergen şeksız nyǧmetı» dedı ol.
Izgı merekelık şaralar ait namazynan keiıngı ait dastarqanyna ūlasty. Osylaişa, qasiettı Ramazan aiymen qimai qoştasqan halyq ait merekesınıŋ quanyşyna da toiat tappai, ūlttyq oiyndardyŋ körıgın qyzdyra tüstı. Al, är saiystyŋ jüldegerlerıne «Nūr Astana» ortalyq meşıtı tarapynan arnaiy baǧaly syilyqtar berıldı.
Jaiyq NAǦYMAŞ
