Timur MŪRATOV, Astana qalasy №2 auruhanasy bas därıgerınıŋ orynbasary: SERVİSTIŊ ÜLKENI – SYRQATTARǦA SAPALY EM JASAU

Baqytjan:
– Remissiia stadiiasyndaǧy oŋ jaqtyŋ sozylmaly mezotimpanitı degen diagnoz qoiyldy. Sonymen bırge, qūlaq mükıstıgınıŋ törtınşı deŋgeiı, sol jaqtyŋ adgezivtı otitı, konduktivtı qūlaq mükıstıgınıŋ bırınşı deŋgeiı bar. Būl aurulardy sızderde emdete alam ba?
– Mūndai aurularǧa barlyq jerde konservativtı em qoldanylady. Būl jönınde lor bölımşesınıŋ meŋgeruşısı Ermek Elemesūly İmanǧalievten aqyly keŋes aluyŋyzǧa bolady.

Aqerke:
– Jataqhanada tūramyn. As-suymdy uaqytyly ışpeimın, köbıne quyrylǧan tamaqtar jeimın. Asqazanym qyjyldap auyrady. Tamaq ışsem auyrǧany qoiady. Sälden soŋ taǧy bürıp auyrady. Qalai dieta ūstauǧa bolady? Ne ısteuge bolady?
– Mūndai sūraqqa telefon arqyly jauap beru öte qiyn. Sondyqtan sızge jergılıktı jerdegı emhanaǧa baryp qaralyp, qajettı tekserılulerden ötıp, bılıktı mamandardan, terapevt därı­gerden nemese gastroenterologtan aqyl-keŋes alǧan dūrys bolady.

Qanat:
– Qaiyrly kün! Mūrnym synyp, keiın qisyq bıttı. Ony sızdıŋ auruhanada tüzetu mümkın be?
– Ol üşın qalalyq №2 auruhananyŋ lor bölımşesıne kelıp, därıgerge körınıŋız. Ondaǧy därıgerler joǧary sanatty qyzmet körsetedı. Aldymen sızdıŋ mūrnyŋyzdy rentgenge tüsıredı. Sosyn rinoplastika nemese endoskopiialyq ädıspen ota jasau arqyly mūryn ışındegı şemırşektı tüzetıp beredı. Eger sız aqyly türde qyzmet alǧyŋyz kelse, mümkındıgınşe taŋerteŋgı uaqytta tıkelei bızdıŋ auruhanadaǧy aqyly emhanaǧa kelıp, maman därıgerge jazylasyz. Maman sızge keŋes berıp, qajettı analizderımen rentgen suretınıŋ qorytyndysy boiynşa qai uaqytta ota jasau kerektıgın aitady. Aqyly em qabyldau üşın bızdıŋ auruhanamen kelısımşartqa otyrasyz. Därıgerler qajet dep tapsa, sızge sol künı ota jasalady. Eger tegın medisinalyq kömek alǧyŋyz kelse, onda jergılıktı mekenjaiyŋyz boiynşa özıŋız tırkelgen emhanaǧa baryp, lor därıgerıne qaralyŋyz. Ol sızdı nauqastardy gospitalizasiia portalyna tırkeidı. Kezegıŋız kelgen kezde bızdıŋ stasionarǧa kelıp tüsesız. Mūnda sızge aqysyz medisinalyq kömek körsetıledı.

Säule Qaiyrjanova:
– Qalalyq №2 auruhanada büirek kistasyna ota jasala ma?
– Büirektıŋ kistasy – qatersız (dobrokachestvennyi) qūrylym. Qazırgı kezde ony emdeudıŋ bükıl älemde dūrys dep tabylǧan joly – endoskopiialyq jolmen kistany alyp tastau. Bügıngı zaman talabyna sai emdeu türı osy. Ota narkoz beru arqyly jasalady jäne ondai kezde pasienttıŋ eş jerıne pyşaq timeidı.

Maqpal Qūrmaşeva:
– Mūrnymnyŋ poşymy özıme ūnamaidy. Sızdıŋ auruhanada plastikalyq operasiia jasatuyma bola ma?
– Bız plastikalyq operasiialar jasamaimyz. Eger mūrnyŋyzdyŋ formasy ūnamasa, Astanada jekemenşık klinikalar köp, solarǧa habarlasyp, ota jasatuyŋyzǧa bolady.

Bibıgül:
– Sol jaq qūlaǧymnyŋ tūsy auyrady jäne jaǧym aşylmaidy. Qai därıgerge qaraluym kerek?
– Būl syrqattyŋ ärtürlı sebepterı boluy mümkın. Sondyqtan da sızge nevropatolog jäne lor därıgerıne qaralǧan jön. Diagnozyŋyz anyqtalǧannan keiın därıger sızge qajettı em körsetetın mekemege nemese bölımşege jol sılteidı.

Marjan Qystaubai:
– Büirektegı jäne nesep jolyndaǧy ūsaq jäne ortaşa ölşemdı tastardy pyşaqtyŋ kömegınsız, iaǧni otasyz-aq bölşekteuge bolatynyn estıdım. Aityŋyzşy, būl sonda qalai jüzege asady?
– Zär şyǧaru joldaryndaǧy kölemı bır santimetrden az tastardy qaşyqtyqtan jäne endoskopiialyq ädıspen ügıtu mümkındıgı bar. Iаǧni, büirektegı tastardy organizmge eşteŋe engızbei syrtynan ügıtuge bolady. Adam aǧzasyna eşqandai pyşaq tigızbei kışı däret jüretın joldar arqyly endoskopiialyq lazerlık litotripsiia kömegımen ügıtıp şyǧaruǧa da mümkındık bar.

Marat Baltabaev:
– Därıger maǧan jürek kanaldaryn auystyru kerektıgın aitqan bolatyn. Üş kanaldyŋ bıreuı 100 paiyzǧa, bırı 70 jäne taǧy bıreuı 30 paiyzǧa tolyp qalǧandyqtan şūǧyl ota qajet. Qalalyq №2 auruhanamen habarlasuǧa keŋes berdı. Sızderde jürekke ota jasala ma?
– Sızge aortokoronarlyq şuntteu jasau kerek şygar. Ol üşın bızdıŋ auruhananyŋ kardiologiia bölımşesıne habarlasyŋyz. Telefondary mekememızdıŋ saitynda bar. Eger sızge şūǧyl türde ota jasau kerek bolsa, onda sız tūrǧylyqty jerıŋız boiynşa jedel järdem kömegıne jügıne alasyz. Jedel järdem qyzmetı syrqatyŋyzdyŋ auyrlyǧyna bailanysty bızdıŋ auruhanaǧa özderı-aq alyp keledı. Al, basqa qalada tūratyn bolsaŋyz, sol jerdegı jergılıktı jedel järdem qyzmetıne habarlasqanyŋyz jön.

Talǧat:
– Astanada därıgerlerdıŋ tapşy ekenınen habardarmyz. Būl rette sūraiyn degenım, sızder mamandardy qalai daiarlaisyzdar?
– Mamandardy daiarlau bızdıŋ negızgı qyzmetımızge jatpaidy. Özderıŋızge belgılı, Astananyŋ, Almatynyŋ medisinalyq joǧary oqu oryndarynda bos oryndar järmeŋkesı ūiymdastyrylyp tūrady. Sonda baryp, qatysyp, özımızge qajettı mamandardy ızdep tauyp alamyz.

Dariǧa:
– Timur Mūratūly, mynany bılgım keledı: №2 auruhanada kapsuldı kolonoskopiia bar ma?
– İä, qalalyq №2 auruhanada kapsuldı kolonoskapiia jasalady. Bız Qazaqstannyŋ soltüstık oblystaryndaǧy osyndai endoskopiialyq täsılmen diagnostika jasaityn jalǧyz mekeme bolyp tabylamyz. Kolonoskopiiaǧa jazylu üşın aqyly emhanamyzǧa habarlasyŋyz. Telefony auru­hananyŋ www.astanaclinic.kz saitynda körsetılgen.

Sezım Sabyrqyzy:
– Qalalyq №2 auruhanada servis mäselesı dūrys jolǧa qoiylmaǧan. Sızderge habarlasu mümkın emes. Alda-jalda bıreu telefon tūtqasyn kötere qalǧannyŋ özınde mardymdy jauap ala almaimyz. Keibıreuler tıptı dörekı söileidı. Osyny bır retke keltıruge bolmai ma?
– Sezım, sızdıŋ aitqan ökpe-nazyŋyzdy bız, ärine, qabyldaimyz. Eger qajet dep tapsaŋyz, maǧan habarlasyŋyz (telefonym – 577228). Bız medisinalyq kömek körsetu kezınde dörekılık tanytqan qyzmetkerler bolsa, olarmen jeke söilesıp, şeşım qabyldaimyz. Al, negızınde bızdıŋ densaulyq saqtau mekemesın qyzmet körsetetın mekememen salystyruǧa kelmeidı, salystyruǧa bolmaidy da. Mekemenıŋ negızgı funksiiasy – servis körsetu emes, densaulyqty saqtau.
Auruhanamyzdyŋ qabyldau bölımıne jylyna 36 myŋ nauqas kelıp qaralady. Sonyŋ ışınde 14 myŋy ǧana stasionarǧa jatyp emdeledı. Sonda, baiqap otyrsaŋyzdar, bız auruhanamyzǧa keluşılerdıŋ üşten bırın ǧana stasionarlyq emge jatqyzamyz. Qalǧan 22 myŋ nauqas ambulatorlyk deŋgeide emdeluı tiıs, osy sanattaǧy nauqastarǧa jūmsalǧan uaqytta basqa auyr nauqastarǧa sapaly qyzmet körsetuge bolar edı. Demek, auruhanamyzdyŋ qabyldau bölımındegıler kışıgırım emhananyŋ qyzmetın, iaǧni özımızge qatyssyz jūmysty atqaryp otyr. Sondyqtan, bızdıŋ negızgı mındetımız tūrǧyndardyŋ densaulyǧyn saqtau jäne nyǧaitu ekenın esten şyǧarmasaŋyzdar eken.

Roza:
– Jūmyssyz jürmın. Negızgı mamandyǧym – orta medisinalyq qyzmetker. Sızderge meiırbikeler qajet emes pe?
– Qazırgı kezde reanimasiia bölımşesıne anesteziolog-reanimatolog därıgerler qajet. Orta medisinalyq personaldarǧa kelsek, sol reanimasiia bölımşesıne de meiırbikeler jetıspeidı. Sondyqtan, sız mekememızdıŋ kadr bölımıne 577-220 telefony arqyly habarlasyŋyz nemese tüiındemeŋızben kelıp, osy bölım qyzmetkerlerıne jolyǧyŋyz.

Qairolla:
– Keiıngı kezde jürek-qan tamyrlary aurularyna şaldyqqandar köbeiıp kettı. Onyŋ aldyn alu üşın ne ısteuımız kerek?
– Dūrys aitasyz. Degenmen, būl – bır auyz sözben jauap bere salatyn sūraq emes, kürdelı mäsele. Qarapaiym tılmen aitqanda, adam balasy eŋ aldymen özın-özı saqtauy kerek. Ol üşın bırınşıden artyq salmaqtan arylyp, temekı, şylym şekpeu kerek. Uaqytynda sportpen şūǧyldanyp, stresterdı boldyrmauǧa tyrysudy da este saqtaŋyz. Būl jönınde jeke adamnyŋ nauqasyna bailanysty konsultasiia alu üşın sızge kardiolog mamanǧa baryp qaralyŋyz der edım.