Nūr-Sūltan qalasynyŋ äkımı Altai Kölgınov elordalyqtarmen kezdesıp, olardy tolǧandyryp jürgen sūraqtarǧa jauap berdı.
– Ärbır audannyŋ özıne tän kürdelı ärı şeşıluı tiıs öte maŋyzdy mäselesı bolady. Mäselen, Baiqoŋyr audanynyŋ Kültegın köşesınde joǧary voltty elektr beru jelısı (EBJ) ornalasqan. Būl problemanyŋ şeşılmei kele jatqanyna 26 jyl boldy.
Eŋ aldymen, elektr beru jelısı janynda ornalasqan Kültegın, Asan qaiǧy, Syrdariia, Lermontov köşesındegı üilerge basa män berıledı. Osyǧan ūqsas jūmys aldaǧy uaqytta ırgeles aumaqta da jürgızıledı. Alaida būl bır kündık nemese bır jyldyq jūmys emes. Ortaşa eseppen alǧanda joba 3 jyldan 5 jylǧa deiın sozylady, – dedı qala äkımı.
Onyŋ sözınşe, byltyr elektr beru jelısın şyǧaru boiynşa jobalyq-smetalyq qūjattamany daiyndaudy qolǧa aldy, qazır ol saraptamadan ötude. Küz ailarynda auqymdy jobany ıske asyruǧa kırısedı.
– Bırınşı kezekte, joldardyŋ jäne injenerlık jelılerdıŋ qūrylysy josparlanǧan uchaskelerdegı üiler, sol siiaqty elektr beru jelısı astyndaǧy üiler būzylady. Būǧan qosa būzylatyn üilerdıŋ qūnyn belgıleu, olardy satyp alu jäne būzu jūmysy jürgızıledı. Asan qaiǧy köşesınde qosymşa elektr quaty qosylǧannan keiın Kültegın köşesındegı elektr jelısı demontajdalady. Bas josparda egjei-tegjeilı josparlau jobasyn äzırledık. Jeke sektordyŋ ornyna äleumettık nysandar, tūrǧyn üi keşenı, qoǧamdyq keŋıstıkter boi köteredı, – dedı A.Kölgınov.
Kezdesu barysynda belgılı bolǧandai, Ş.Uälihanov köşesıne parallel segız jolaqty jol salynady. Söitıp, bas şahardyŋ logistikalyq infraqūrylymy jetıldırılıp, kölık qatynasy edäuır jaqsarta tüsedı.
Biyldan bastap Kültegın, Asan qaiǧy, Syrdariia jäne t.b. köşelerdegı üilerdı kezeŋ-kezeŋımen būzudy bastaimyz.
