Nūr-Sūltan qalasynyŋ äkımı bolyp taǧaiyndalǧan Altai Kölgınov öz qyzmetın elordanyŋ tynys-tırşılıgın qamtamasyz etetın bırqatar maŋyzdy nysandardy aralaudan bastady.
Aldymen elordadaǧy jedel medisinalyq järdem stansiiasynyŋ jūmysymen tanysyp, qyzmetkerlerdı käsıbi merekesımen qūttyqtaǧan Altai Kölgınov medisina qyzmetkerlerımen kezdesu ötkızdı.
Qazırgı taŋda qalada 20000-nan astam därıger jūmys ıstese, onyŋ 1000-nan astamy jedel järdem qyzmetınde eŋbek etedı. Mūndaǧy därıgerler jylyna 800 myŋ, künıne 2000-nan asa adamǧa qyzmet körsetıp otyr. Stansiia barlyq qajettı jabdyqtarmen qamtamasyz etılgen. Jaqynda taǧy qosymşa 52 jedel järdem kölıgı paidalanuǧa berıledı.
Bügınde Nūr-Sūltan qalasy boiynşa kün saiyn 110 brigada jūmys ısteidı. Onyŋ ışınde Qalalyq jedel medisinalyq järdem stansiiasy 82, emhanalarda 28 brigada jedel medisinalyq kömek körsetedı.
Äkım «Astana-AEK» aksionerlık qoǧamynyŋ energiiamen qamtamasyz etu nysandarynyŋ jylytu mausymyndaǧy daiyndyq jūmystaryna da tekseru jürgızdı. Qazırgı uaqytta jöndeu jūmystary jürıp jatqan 2-şı jylu elektr ortalyǧynyŋ jūmysy jäne 3-şı jylu elektr ortalyǧynyŋ jaǧdaiyn da talqylady.
Biyl qalada №6 jaŋa turbina men №8 bu jıberetın maŋyzdy qazandyq qaita jöndelude. Jospar boiynşa aldaǧy jylytu mausymyna deiın aiaqtaluy tiıs. Qazırgı uaqytta jöndeu jūmystary belgılengen kestege säikes jürgızılıp jatqanyn bılgen äkım jöndeu jūmystarynyŋ merzımınde aiaqtaudyŋ maŋyzdylyǧyn atap öttı. «Qala kün saiyn ösıp keledı, osyǧan ılese elektr, jylu, sumen qamtamasyz etu jäne basqa da maŋyzdy infraqūrylymǧa degen qajettılıgı de artuda. Sondyqtan, qalanyŋ infraqūrylymdaryna köŋıl bölu, mausymdyq daiyndyq jūmystaryn uaǧynda ısteu jäne ony damytu basty mındetımızdıŋ bırı sanalady» dedı Altai Kölgınov.
Sonymen qatar, «Astana-AEK» AQ energiiamen qamtamasyz etu nysandarynyŋ jūmysymen jäne kärız jelılerınıŋ suyn tazartu stansiiasy jūmysymen tanysqan Altai Kölgınov energiia ünemdeu mäselelerı, sondai-aq transformatorlyq jäne taratu stansiialaryn kürdelı jöndeuden ötkızu, elektr jelılerın bögde ūiymdardyŋ balansynan «Astana-AEK» AQ balansyna beru jönındegı jol kartasy talqylandy. Aldaǧy uaqytta KOS-2 stansiiasyn qūru mäselesınıŋ özektılıgı jönınde basa aitqan äkım önımdılıktı arttyru, qyzmet öteu sapasyn joǧarlatu jönınde tapsyrmalar berdı.
Äkım Nūr-Sūltan halyqaralyq äuejai aumaǧyna jaqyn maŋdaǧy, dälırek aitqanda, Qabanbai batyr daŋǧyly boiynda jürıp jatqan jol qūrylysyn da tekserıp qaitty. Uaqytşa jabylǧan jol bölıgınen keide kölık keptelısı bolatynyn baiqaǧan äkım joldyŋ sapasyna kepıldık ete otyryp, jūmysty erterek tiianaqtau jönınde talap qoidy. Jol jöndeitın qyzmetkerler köşenı şılde aiynyŋ basynda tolyq aşyp, jüruge mümkındık beremız dep äkımge uäde berdı.
Sonymen qatar 34 şaqyrymdy qūraityn «Oŋtüstık-batys ainalma joly» magistralı qūrylysynyŋ aralyq nätijelerımen de tanysyp, jūmystyŋ belgılengen keste boiynşa jürıp jatqanyna oŋ baǧasyn berdı.
Jaqynda qala aktivımen ötken jiynda Memleket basşysy Qasym-Jomart Toqaev qalanyŋ injenerlık infraqūrylymyna köŋıl bölu men tūrǧyndardyŋ ömır süru sapasyn arttyru kerektıgın tapsyrǧan bolatyn. Osy rette Altai Kölgınov qala maŋynda ornalasqan bırneşe tūrǧyn üi keşenderı men jol infraqūrylymdaryn aralap şyqty. Köktal-1, Köktal-2, sol maŋdaǧy köpır men Saryarqa audanyndaǧy tozyǧy jetken üilerdı süru jūmystarymen tanysty.
Qazır Köktal tūrǧyn üi alabynda 41 köşe salynuda. Būl jergılıktı infraqūrylymdy edäuır jaqsartady. Bıraq qazırgı uaqyttaǧy qolaily aua raiyna qaramastan, keibır uchaskelerde jol jöndeuşılerdıŋ joq ekenın baiqaǧan äkım elordada qūrylys mausymynyŋ qysqa ekenın eskertıp, qūrylysşylarǧa köşelerdı retke keltırudı uaqytyly aiaqtauyn qadaǧalap tapsyrdy.
Saryarqa audanynyŋ tūrǧyndary jol sapasyna, jaryqtandyruǧa, trotuarlar men kögaldandyru ısıne jiı şaǧymdanatyn mäselelerdı de nazardan qaǧys qaldyrmaǧan äkım Köktaldaǧy saiabaqtyŋ qūrylysy sozylyp ketuınıŋ sebebın de bıldı. Sonymen qatar, jolauşylardyŋ jürıp-tūruyna yŋǧaily jaǧdai jasau üşın «Bükır köpır» (gorbatyi most) aumaǧynda qosymşa jol salu qajettıgın aitqan äkım tiıstı mekemelerge maŋyzdy mındetter jüktedı.
