Emhanalarǧa tırkelgen 26000-nan astam elorda tūrǧyndary erkın taŋdau qūqyǧyn paidalandy
Elımızde tūrǧyndardy emdeu mekemelerıne tırkeudıŋ kezektı nauqany aiaqtaldy.
Nauqanǧa qatysqan qazaqstandyqtardyŋ basym bölıgı emhanaǧa özderı baryp tırkelse, 13,5 myŋǧa juyǧy onlain qyzmettı taŋdaǧan (egov.kz portaly arqyly).
«Tırkeu kampaniiasy aiasynda, iaǧni 15 qyrküiek pen 15 qaraşa aralyǧynda bastapqy medisinalyq-sanitarlyq kömek ūiymdaryna tırkelgender sany – 13 668. Medisinalyq ūiymdar men därıgerdı erkın taŋdau qūqyǧyn paidalanǧandar sany – 26 487. Aldyn ala mälımetke süiensek, bügıngı künge deiın 2018 jyldyŋ tırkeu qorytyndysy boiynşa Astana qalasyndaǧy emdeu mekemelerıne 1 091 640 adam tırkelgen»,- deidı «Mındettı äleumettık medisinalyq saqtandyru qory» KEAQ Astana filialy direktory Nūrlybek Qabdyqaparov.
Nauqan şeŋberınde emhanalarǧa tırkelgen azamattarǧa 2019 jyldyŋ 1 qaŋtarynan bastap qyzmet körsetıledı. Azamattar tıkelei jügınse, olardy MSAK ūiymdaryna bekıtken kezde būryn bekıtılgen MSAK ūiymdarynan esepten şyǧaru «Bekıtılgen halyq tırkelımı» portalynyŋ derekqory arqyly avtomatty türde jüzege asyrylady.
Biylǧy tırkeu nauqanyna 31 emdeu mekemesı qatysty. Tırkelgender sany boiynşa Astana qalasyndaǧy № 6, 10, 4 jäne 7 emhanalar aldyŋǧy qatarda. Sondai-aq, tūrǧyndar jeke klinikalardan «Salauatty Astana» JŞS, «Şipager» otbasylyq densaulyq saqtau ortalyǧyna köp tırkelgen.
Jalpy, tırkeu nauqany – emhana auystyrudyŋ jalǧyz joly emes. Qazaqstandyqtardyŋ jylyna bır ret emhana auystyruǧa mümkındıgı bar. Sonymen qatar, qonys audarǧanda, emhana jabylyp qalsa nemese Medisinalyq saqtandyru qorymen kelısımşartty būzsa, jaqyn maŋnan jaŋa emhana salynsa, emhana qyzmetıne qatysty şyǧyndardy jabatyn erıktı medisinalyq saqtandyru kelısımşartyn bekıtken jaǧdaida basqa emhanaǧa auysuǧa bolady.
Esterıŋızge sala keteiık, būdan bylai emhanaǧa egov.kz elektrondy ükımet portaly men Telegram-bot egov.kz. arqyly da tırkeluge de bolady.
«Äleumettık medisinalyq saqtandyru qory» KEAQ-men kelısımşartqa otyrǧan medisina ūiymdarynyŋ tolyq tızımın Medisinalyq saqtandyru qorynyŋ fms.kz saitynan tabuǧa bolady. Olar kepıldendırılgen tegın medisinalyq kömek şeŋberınde halyqqa qyzmet körsetpek.
