Bız är ekı-üş jyl saiyn tekseru jürgızemız. Är tekseru saiyn jemqorlardy qamap jatamyz. Jemqorlardy sottap tauysamyz degenşe sybailas jemqorlyq qūramdas bölıgın alyp tastau kerek.
Būl üşın osy saladaǧy sarapşylarmen, subsidiia aluşylarmen köbırek söilesu qajet. Būl subsidiia ǧana emes, bükıl memlekettık satyp alu ısıne qatysty. Bızde biudjettıŋ ekı problemasy bar. Bölıngen qarjyny igermeu degen auru bar nemese baǧany jasandy türde köterudı aituǧa bolady. Būl mäselede biudjettık josparlaumen ainalysatyndardyŋ jauapkerşılıgıne de bailanysty.
Sybailas jemqorlyqty tüp-tamyrymen qūrtqan bırde-bır el joq ekenı tüsınıktı. Bıraq ony barynşa azaitu bızdıŋ qolymyzda dep oilaimyn. Eŋ bastysy – būl küreske jūrttyŋ qalai atsalysatynynda. Sybailas jemqorlyq özımızben betpe-bet kelse, köz jūmuǧa daiynbyz. Köbımız kezektı jyljytu siiaqty ūsaq-tüiek sanalatyn mäselelerde para beruden tartynbaimyz. Al däl sondai özgelerdıŋ para beruı nemese aluy bızge zardap tigızse, basqaşa sairap şyǧa kelemız. Jemqorlyqpen alalap küresu mümkın emes.
Aidos SARYM,
Mäjılıs deputaty
