«Vesta» tıgın salony» JŞS 20 jyldan berı respublikanyŋ barlyq äleuettık qūrylymdaryn nysandy (forma) kiımdermen qamtamasyz etıp keledı. Serıktestık ekonomikalyq qyzmet türlerınıŋ ortaq jıktemesı boiynşa qazaqstandyq şaǧyn käsıporyndarynyŋ TOP 100-ıne engen. 2013 jyly «Sala köşbasşysy» ataǧyn ielendı. Al onyŋ direktory Fariza Şadyjeva Ūlttyq biznes-reitingtıŋ ūiymdastyru komitetınıŋ ūiǧarymymen «Qazaqstan Daŋqy» ordenımen marapattaldy.
Bügınde «Vesta» tıgın salony elımız jeŋıl önerkäsıbınıŋ aldyŋǧy qatarly öndırısınıŋ bırı bolyp tabylady. Käsıporyn 90-jyldardyŋ «jabaiy naryq» zamanynda qūrylǧan edı. Sodan berı 27 jyl boiy syrtqy kiımder, jeŋıl kiımder, äskeri nysandy kiımder, mektep kiımderın tıgıp keledı. Sirek te bolsa jeke tapsyrystar qabyldaidy. Qazır, negızınen, küştık qūrylymdardyŋ nysandy kiımderın tıguge mamandandyrylǧan.
– 1992 jyly alǧaş aşylǧanymyzda bız 5 maşinada 3 qana şeber jūmys ıstedık. Aqmolada bükıl qala boiynşa 2 ǧana notarius jūmys ısteitın. Qūjattardy räsımdetu üşın taŋerteŋnen tüske deiın kezekte tūruǧa mäjbür bolamyz. Onda da keibır qūjattar jetıspei ne tura bolmai jatady… Äiteuır, qūjat jasatamyz dep köp sabyluşy edık. Ol kezde naryq qalyptaspaǧan. Qiyndyqtar köp boldy ǧoi, – dep käsıptı bırınşı bastaǧan kezderın eske aldy Fariza Şadyjeva.
O basta vetrovkalar (jeŋıldetılgen kurtkalar), palto, qysqy kurtkalar men kostiumder tıkken. Sapasy joǧary jäne qara halyq üşın qoljetımdı önım tez satyldy. Bırte-bırte halyqtan, ūiymdardan jiı tapsyrystar tüse bastady.
Jeke ıstı jürgızu üşın qarajat kerek. «Vesta» tıgın salonynda ol qarjy bolmady. Sondyqtan Sesnabankten 35 paiyz mölşerlememen nesie aldy. Paiyzdyŋ mölşerlemenıŋ qymbattyǧynan käsıptı jürgızu, öndırıstı damytu qiynǧa tüstı. Söitse de atalmyş bankpen ärıptestık bailanysty üzbedı, ūdaiy nesie alyp, şaruaşylyǧyn döŋgeletıp tūrdy. Soŋǧy ret Sesnabanktıŋ tūraqty klientı retınde 19 paiyz mölşerlememen nesie alǧan.
– Bız «Damu» käsıpkerlıktı damytu qory» AQ turaly estitınbız. Biyl bırınşı ret ötınış tüsırgen edık. Olar biznes-jobamyzdy maqūldady. Sonyŋ arqasynda ForteBank-ten 6 paiyzdyq jeŋıldıkpen nesie aldyq, onyŋ üstıne «Damu» qory alǧan nesienıŋ 40 paiyzyn subsidiialaidy. Būl bızge ülken kömek boldy, – dep Fariza Şadyjeva quanyşyn jasyrmady.
Nesienı alysymen «Vesta» tıgın salony» JŞS «Bäiterek» monumentınıŋ maŋaiynda jäne «Öndırıs» tūrǧyn üi alabynda jaŋadan öndırıstık ǧimarat saluǧa kırısken. Bügınde qūrylys jūmystary qyzu jürıp jatyr. Keler jyly jaŋa öndırıs nysandaryn aşyp, käsıptı odan ärı damytudy közdeidı.
– «Vesta» tıgın salonynda 50-ge juyq tıgın ısınıŋ üzdık mamandary men şeberlerı jūmys ısteidı. Olar jylyna 10 myŋ dana türlı kiım-keşek şyǧarady. Kompaniianyŋ jyldyq qarjy ainalymy – 300-400 mln teŋge. Al jaŋa öndırıs oryndary aşylǧanda jūmysşylardyŋ sanyn 150 adamǧa jetkızuge, al öndırıstıŋ quattylyǧyn 7-8 esege ösıruge müddelımız, – dedı serıktestık basşysy aldaǧy josparlarymen bölısıp tūryp.
Qazırgı künı serıktestık – QR Bas prokuraturasy, Qorǧanys ministrlıgı, Memlekettık qorǧanys qyzmetı, Ūlttyq gvardiia, Salyq komitetı, ŪQK, IIM joǧary ofiserler qūramy men qatardaǧy qyzmetkerlerı üşın nysandy kiımder tıgetın respublikadaǧy eŋ ırı käsıporyn. Jaŋa jyldyq Prezident şyrşasyna konserttık kostiumder, orkestrlık kiımder tıgıldı.
Ötken jyly mektep kiımderın de tıkken, bıraq onyŋ kölemı aitarlyqtai köp emes. Al aǧymdaǧy jyly negızgı äskeri mamandaryna qosymşa, qalalyq äkımdıktıŋ äleumettık sertifikaty boiynşa kiım tıguge tapsyrys aldy. Būl sertifikat kedei-mügedek jandarǧa, az qamtylǧan otbasylarǧa kiım tıgu üşın är otbasyna 30 myŋ teŋge kölemınde järdem retınde berıledı.
– Bız käsıpkerlıkke damytuǧa qolaily kez kelgen mümkındıkterdı paidalanamyz. Öitkenı öndırıstı keŋeitu, adamdardy jūmyspen qamtu – basty maqsatymyz, – dedı qoştasar sätte «Vesta» tıgın salony» JŞS direktory Fariza Şadyjeva.
