Elordada «Jūmyspen qamtudyŋ jol kartasy 2020-2021» baǧdarlamasy aiasynda jüzden astam jobany jüzege asyru josparlanǧan. Sonyŋ ışınde abattandyru jūmystary, joldar men injenerlık jelılerdı qalpyna keltıru, jaŋa jelılerdı tartu, köşelerdı salu, äleumettık nysandar qūrylysy men olardyŋ kürdelı jöndeuden ötkızıluı bar. Taiauda Nūr-Sūltan qalasy mäslihatynyŋ deputattary «Nur Otan» partiiasy qalalyq filialy janyndaǧy partiialyq baqylau komissiiasy müşelerımen bırge sondai jūmystarmen tanysty.
KOLLEDJ JATAQHANASY SÜRILEDI
– Basty maqsatymyz biudjet qarjysynyŋ jūmsaluy men atqarylyp jatqan jūmystardyŋ sapasyn qadaǧalau, nysandarda jaŋa jūmys oryndaryn qūru körsetkışımen tanysu boldy, – deidı mäslihat deputaty Miras Şekenov.
Atalmyş top, negızınen, bılım beru nysandaryn aralady. Aldymen komissiia politehnikalyq kolledjge bardy. Mūnda studentterge arnalǧan jataqhanaǧa kürdelı jöndeu jūmysy bastalyp, orta joldan toqtatylǧan. Mūnyŋ sebebı jūmystar barysynda nysan ırgetasy men kötergış qūrylymdarynyŋ sögılgenı anyqtaldy. Sondyqtan jūmysty ärı qarai jalǧastyrmai, apatty jaǧdaidaǧy jataqhanany süru turaly şeşım şyǧaryldy. Studentterdı ornalastyru mäselesın kolledj basşylyǧy şeştı.
MEKTEP MÄSELESI BAQYLAUǦA ALYNDY
Kölık jäne kommunikasiia kolledjın, M.Ötemısūly atyndaǧy Oquşylar saraiynyŋ basseinı men şatyryn jöndeu aiaqtalyp qaldy. Mūnda komissiia tarapynan eşqandai eskertuler aitylǧan joq.
A.Baitūrsynūly atyndaǧy №48 mektep-liseidı jöndep jatqan merdıger bıraz kemşılık jıbergen. Bırınşıden, qajet qondyrǧylar uaqytyly jetkızılmegendıkten, qasbet pen jeldetu jüiesın jöndeu bastalmaǧan. Ärine, sol sebepten nysandy tapsyru merzımı keşeuıldep jatyr. Merdıgerge sol üşın eskertu aityldy. Komissiia nysandy baqylauǧa alyp, qaita ainalyp soǧatyn boldy.
«ÜRKERDE» ŞAǦYN BAQ AŞYLADY
№37 «Arman» balabaqşasy men №32 «Baldäuren» balabaqşasyn jöndeu kestege sai jürgızılıp jatyr. Osy aidyŋ basyna qarai tiıstı jūmystardyŋ 70 paiyzy oryndaldy. Merdıger qyrküiek aiyna deiın barlyq jūmystardy aiaqtauǧa uäde berdı.
«Ürker» tūrǧyn alabynda qoǧamdyq keŋıstıktı abattandyru jürgızılıp jatyr. «Būl – menıŋ sailau aimaǧym. Osy jerde N.Hikmet, F.Dostoevskii, S.Qojanūly köşelerı kvadratynda 4293 şarşy metr aumaqta jäne Aqtamberdı jyrau-Ümbetei jyrau köşelerınde 10154 şarşy metr keŋıstıkte basketbol, balalar alaŋdary salynyp, trenajerler ornatylady. Būǧan qosa, būl jerde şaǧyn baq bolady. Kesteden qalu joq. Barlyq jūmystar osy jyldyŋ 1 qazanyna deiın aiaqtaluy tiıs» deidı Miras Şekenov.
Bır aita keterlıgı, «Jūmyspen qamtudyŋ jol kartasy 2020-2021» baǧdarlamasy aiasynda osy uaqytta 15 myŋ jūmys orny qūryldy. Sonyŋ ışınde Esıl audanynda ekı myŋǧa juyq adam jūmys tapty. «Ürker» tūrǧyn alaby däl osy audanǧa qaraidy.
JASTAR SARAIY QAŞAN TAPSYRYLADY?
Mädeni nysandardy kürdelı jöndeu jūmysy bıraz mäsele tuyndatyp otyr. Mäselen, Jastar saraiyn jöndeu jobasyna tüzetu engızuge tura keldı. Sonyŋ saldarynan nysandy tapsyru merzımı şegerıldı. Qazır jylu qūbyryna qosyluda problemalar bar. Negızı, nysan osy jyldyŋ aiaǧyna deiın tapsyryluy kerek edı. Bıraq merdıger oǧan deiın ülgermese, bölıngen biudjet qarjysy da igerılmeidı.
Jaqynda būl mäsele qalalyq mäslihattyŋ tūraqty komissiiasynyŋ otyrysynda qaraldy. Deputat Ramziia Ömırbaevanyŋ deregınşe, nysandy jöndeuge biudjetten 1 milliard teŋgeden astam qarjy bölındı. Bıraq jūmystar baiau jürıp jatyr.
– Jūmystyŋ sylbyrlyǧyna, nysanǧa tartylǧan jūmysşylardyŋ sanyna qaraǧanda, jyldyŋ aiaǧyna deiın ıs bıtpeidı. Osyǧan bailanysty bölıngen qarjyny igeru deŋgeiıne taldau nemese ony baqylau jūmysy jürgızılıp jatyr ma? – degen saualdy joldady deputat.
Onyŋ saualyna jauap bergen qalalyq Ekonomika jäne biudjettık josparlau basqarmasynyŋ basşysy Qaisar Maŋqaraev Jastar saraiyn kürdelı jöndeuge «Jūmyspen qamtudyŋ jol kartasy» baǧdarlamasy aiasynda 1,9 milliard teŋge bölıngenın jetkızdı. Onyŋ aituynşa, būl jobany jüzege asyru biylǧy säuır aiynda bastaldy. Sol kezde biudjetten tiıstı jūmystarǧa 100 paiyz qarjy bölındı. Bıraq jöndeu barysynda keibır maŋyzdy mäseleler eskerılmegenı anyqtaldy.
– Ökınışke qarai, jobany jasaǧan ūiym, tehnikalyq baqylau jäne merdıger arasynda daular tuyndady. Qazır olar bır mämılege keldı. Bıraq qarjyny igermeu qaupı tuyndaǧandyqtan, vedomstvoaralyq komissiia otyrysynda 800 million teŋgenı şegeru turaly şeşım şyǧaryldy. Qazır 400 million teŋgenı igeru ǧana qaldy. Mädeniet basqarmasy jyl aiaǧyna deiın jöndeu jūmystary aiaqtalady dep otyr. Alaida qosymşa qarjylandyru mäselesı tuyndauy mümkın. Bälkım şegerılgen qarjyny jobaǧa qaitaru sonda kerek bolady, – deidı Q.Maŋqaraev.
Mädeniet basqarmasy nysandy jöndeuge bölıngen qarjyny qaitaruǧa tura kelgenın rastady. Basqarmadaǧylar qa rjy igerılmei qala ma dep qoryqqan. Alaida biudjettı kezektı naqtylau kezınde qaitadan aqşa sūraudy josparlap otyr. Sonymen negızgı jöndeu jūmystaryn osy jyldyŋ soŋyna deiın aiaqtamaq. Nysandy kelesı jyldyŋ nauryz aiynyŋ aiaǧyna deiın tolyǧymen paidalanuǧa berudı josparlap otyr. Tiıstı keste äzırlengen.
