Taiauda Nūr-Sūltan qalasy mäslihatynyŋ deputattary Qaraqat Abden jäne İlia Meşeriakov qalalyq Qoǧamdyq densaulyq saqtau basqarmasynyŋ basşysy Timur Mūratovpen kezdesıp, qazırgı qysyltaiaŋ şaqta halyqtyŋ densaulyǧyn qorǧau mäselesın talqylady. Öz ūsynystaryn jetkızdı.
– Indetke qatysty soŋǧy aqparattar bızdı ümıttendırıp otyr. Bıraq ındettıŋ betı qaitty deuge älı erte. Qaita osy kezeŋdı paidalanyp, kelesı boluy yqtimal tolqynǧa jan-jaqty daiyndaluymyz kerek, – dedı Q.Abden.
Deputattar osy jazda oryn alǧan därı-därmekterdıŋ jetıspeuşılıgı, İVL apparattarynyŋ tapşylyǧy, jedel järdem kölıkterınıŋ keşıguı siiaqty mäselelerdı köterdı. Basqarma basşysy qazır ol jūmystardyŋ jolǧa qoiylǧandyǧyn, keluı mümkın jaŋa tolqynǧa barynşa daiyndalyp jatqanyn aitty.
Q.Abden densaulyq saqtau salasy boiynşa barlyq aqparattar jinaqtalatyn ahualdy ortalyqty aşu qajettıgın jetkızdı. Onyŋ aituynşa, mūnda auruhanadaǧy bos oryndar sany, qajettı qūrylǧylar jaǧdaiy körsetıluı tiıs.
– Indet bastalǧanda osy aqparattar halyqqa jetpedı. Nätijesınde densaulyq salasyndaǧy jūmys tūralap qalǧandai boldy, – dedı deputat.
Artynşa deputattar qalalyq biudjettı naqtylau kezınde Qoǧamdyq densaulyq saqtau basqarmasyna därı-därmek pen KT, ökpege aua jetkızu siiaqty qajettı apparattardy, vaksinalardy satyp aluǧa qosymşa 389,5 mln teŋge bölınuın qoldady.
