Astana qalasy mäslihatynyŋ deputaty, qūrylys, ekologiia, kölık, sauda jäne tūrǧyn üi-kommunaldyq şaruaşylyq mäselelerı jönındegı tūraqty komissiianyŋ müşesı, «Alkon+» firmasynyŋ direktory Aman Aiupovke qoiǧan alǧaşqy sūraǧymyz qoǧamdyq qyzmetımen bailanysty boldy.
«Üstımızdegı jyldyŋ nauryz aiynan bastalǧan qoǧamdyq jūmys jeke tūrǧyndardyŋ ötınış-qalaularyn tyŋdap, naqty mäselelerdı şeşuge arnadym» dedı Aman Aiupov.
Mäslihat deputaty alǧaşqy kezeŋde tūrǧyndarmen sailau aldy kezdesulerde aitylǧan ötınışterdı, jekelegen azamattardyŋ mūqtajdaryn eskergen. Sonyŋ bırı mümkındıgı şekteulı azamattyŋ ötınışı boiynşa jasalǧan tūrǧyn üi dälızındegı qūramaly-avtomatty pandus eken. Eskı jobamen salynǧan üidıŋ dälızınıŋ tarlyǧyna bailanysty qolarbany avtomatty türde köteretın pandusty oilap tapqan firmanyŋ önertapqyştaryna Q.Rysqūlbekov köşesınıŋ tūrǧyny Antonina Beskorovainaianyŋ alǧysy şeksız. Odan basqa, qarttarǧa arnap Abylaihan 29/2 aulasynda kün men jelden qalqa bolatyn otyrǧyş jasalynǧan. «Altai» PİK kıreberıstıŋ terezelerın äinekpen qaptauǧa kömek berdı. Qazırgı kezde zeinetkerler men balalarǧa arnalǧan aula klubtary üşın oryn ızdestırılıp jatyr. Qarttar künı qarsaŋynda jalǧyzılıktı jüzden astam qariiaǧa azyq-tülıkpen kömek körsetıldı. Okrugke qarasty üilerdıŋ kıreberısterıne qūttyqtau plakattary ılınıp, laiyqty köŋıl bölındı.
«Osyǧan deiıngı jyldary da firmada jūmys ısteitın jūmysşylardyŋ äleumettık jaǧdailaryn şeşumen qatar, özge de qaiyrymdylyq şaralaryn ūiymdastyryp kelemız» deidı «Alkon+» basşysy. Ol mūndai şaralardyŋ özınıŋ ızgı nietınen tuyndaitynyn, «Nūr Otan» partiiasynyŋ müşesı retınde de jauapkerşılıktı tüsınetının bıldırdı. Halyq müddesıne arnalǧan jūmystyŋ basynda jürıp, äsırese, äleumettık jaǧynan az qamtylǧan tūrǧyndarǧa qol ūşyn beruden ainalyp ötpeitının aitty. Onyŋ sailau okrugınde №32, №37 mektepter ornalasqan. Osy küzde äleumettık jaǧynan az qamtylǧan otbasylaryndaǧy 20 balaǧa mektep kiımın alyp berse, 15 oquşy sabaqqa kerektı qūral-jabdyqtarmen qamtamasyz etıldı. Ūly Otan soǧysynyŋ ardagerlerınıŋ jaiy da deputat nazarynan tys qalmaǧan. Jaqyn künde el Täuelsızdıgınıŋ 25 jyldyǧyna orai «25 ızgılıktı ıs» aksiiasy ıske qosylady.
Deputat Aman Aiupov soŋǧy kezderı biudjet esebınen memlekettık tapsyryspen salynyp jatqan keibır tūrǧyn üilerdıŋ sapasy syn kötermeitının aityp, dabyl qaǧyp jür.
«Paidalanuǧa berılgen jaŋa üilerdıŋ sapasyna baqylau jūmysy köŋıl könşıtpeidı. Tūrǧyn üi tapşylyǧy, onyŋ kezegınde tūrǧandardyŋ qajettılıgın de eskeremız. Alaida būl jüienı özgertpesek, jyldar öte kele būl üilerdı paidalanu qymbatqa tüsıp, qala biudjetıne salmaq bolatyny anyq. Būl – ärıden oilaǧandaǧy mäseleler. Sözımnıŋ dälelı retınde aitaiyn, qazırgı künde baspanaly bolǧandar bır qystap şyqqannan keiın, quanyştary basylyp, firmaǧa jaŋadan sapaly tereze saluǧa tapsyrys berıp jatady. Demek, üi tūrǧyzuǧa bölıngen memleket qarajaty alǧaşqy suyqqa şydamaityn, sapasyz qūrylys materialdaryn qoldanu arqyly qyruar qarajatty jelge şaşty degen söz. Eger būl jüiege özgerıs engızbesek, bölıngen qarjynyŋ berekesı bolmauy äbden mümkın» deidı deputat.
1998 jyly ırgetasy qalanǧan «Alkon+» firmasy – elordanyŋ qūrdasy. Bügınde «Alkonnyŋ» äsem äinekterımen jarqyraǧan ǧimarattar qalanyŋ simvolyna ainalyp ülgerdı. Qazaqstanda alǧaşqylardyŋ bırı bolyp qasbettı şynylaudyŋ paneldık jüiesın öndıru jäne qūrastyrudyŋ innovasiialyq tehnologiiasyn meŋgerdı. Osy tehnologiia boiynşa «Qazaqstan temır joly» ūlttyq kompaniiasynyŋ äkımşılık ǧimaraty jäne «Marriott» qonaq üiı üşın jūmystar oryndaldy. Kompaniianyŋ şyny paketterı Astanadaǧy Ūlttyq muzyka akademiiasynyŋ, «Qazaqstan» sport saraiynyŋ ǧimarattarynda, Senat ǧimaratynda, «Körme» zalynyŋ, köptegen sauda ortalyqtary men tūrǧyn üi keşenderınıŋ ǧimarattarynda ornatylǧan. «Şaǧyn jäne orta käsıpkerlık salasyndaǧy jetıstıkter üşın» konkursynda «Öndırıs salasyndaǧy üzdık käsıpker» atalymy boiynşa 1-orynǧa ie boluy (2014 j.) jäne «Öndırıstık maqsattaǧy üzdık käsıporyn» atalymy boiynşa Qazaqstan Respublikasy Prezidentınıŋ «Altyn sapa» syilyǧyn aluy (2014 j.) kompaniianyŋ jetıstıkterın moiyndaudyŋ belgısı boldy.
«Astana qalasyndaǧy biznestıŋ erekşelıgı turaly aitsaq, käsıpkerge jeke ısın bastap, ony damytuǧa barlyq esık aşylǧan. Biznestıŋ ärtürlı baǧytynda ısker azamattar üşın qomaqty üles alatyn oryn bar. Astana örkendegen saiyn qala qūrylysy men basqa da qajettılıkterın öteitın biznestıŋ san aluan salasynyŋ qatar damuy – elorda biznesınıŋ basty erekşelıgı. Öz firmammen bailanystyrsam, elordadaǧy maŋyzdy, nysanaly qūrylys alaŋdarynyŋ qatysyp, biznestı tiımdı jürgızuge eşqandai kedergı bolǧan joq. Mūndaida tek taŋdaulylar qatysyp, ülestı solar alady degen ūǧym bolmauy kerek. Bızde özgelerdei teŋ qūqyqpen tenderge qatysyp kelemız. Ūsynatyn qyzmettıŋ sapasy artqan saiyn alatyn ülesımız de artyp keledı. Bızdıŋ bır artyqşylyǧymyz – elorda biznesınde 18 jyldyq täjıribemız. Osyǧan bailanysty tehnikalyq bazamyz ben qajettı adam resursy da bar. Osy jyldary tek sapaly önım şyǧaryp, mınsız qyzmet körsetu arqyly jaqsy atymyzdy jasap aldyq. Memleket tarapynan da kömek bolyp jatyr. Osydan bırneşe jyl būryn öz zauytymyzdy öz küşımızben bastadyq. Alaida devalvasiia äser etıp, qūrylystyŋ toqtap qalu qaupı bolǧan edı. Sol sebeptı «Damu» qoryna qoldau körsetuın ötınıp, tömen paiyzben nesie alyp, zauyttyŋ qūrylysyn aiaqtap, qajettı qūral-jabdyqtardy alyp, ıske qostyq. Qosymşa jūmys oryndary aşylyp, bızdıŋ bizneske serpın berdı» deidı mäslihat deputaty, käsıpker Aman Aiupov.
Aigül UAISOVA
