1991 jylǧy 1 jeltoqsanda elımızdıŋ prezidentınıŋ alǧaşqy bükılhalyqtyq sailauy ötıp, Nūrsūltan Nazarbaev sailauşylardyŋ 98,78 paiyz dauysyn jinap, tolyq qoldauǧa ie bolǧany belgılı. Al 10 jeltoqsanda Qazaq KSR Joǧarǧy Keŋesı Qazaq KSR atauyn Qazaqstan Respublikasy dep özgertu turaly zaŋ qabyldady jäne sol künı Qazaqstan Prezidentın ūlyqtau räsımı öttı. Erteŋ sol tarihi oqiǧaǧa tura 30 jyl tolady.
Sol uaqytta Prezident äkımşılıgınıŋ Işkı saiasat bölımı meŋgeruşısınıŋ orynbasary bolǧan bügıngı Parlament Mäjılısınıŋ deputaty Sauytbek Abdrahmanov Prezidenttı alǧaşqy ūlyqtau räsımınıŋ basy-qasynda boldy. Ol 1991 jylǧy eleulı oqiǧalary turaly jazǧan maqalasynda ūlyqtau räsımıne de toqtalǧan. Onyŋ jazuynşa, osy räsımdı daiyndau sol kezdegı Premer-ministrdıŋ orynbasary Myrzatai Joldasbekovke jükteldı.
«Azamattarmen aqyldasa kelıp, ūlyqtau saltanatynda ejelgı halyqtyq dästür de, bügıngı örkeniet ülgılerı de qatar jymdasa örılgenı jön degen ūiǧarym jasaldy» dep jazady S.Abdrahmanov. Ūiymdastyruşylar Prezident el halqyna antyn aq kiızdıŋ üstınde tūryp beru kerek degen toqtamǧa keldı. Sol tūsta Jambyl oblysyn basqarǧan Ömırbek Baigeldıge appaq syrmaq daiyndau tapsyryldy. Al Prezidentke bata beruge jasy toqsannan asqan halyq aqyny Şäkır Äbenov Semeiden arnaiy Almatyǧa aldyryldy.
Ūlyqtau räsımı Respublika saraiynda öttı. Osydan bes jyl būryn osy ǧimarat qabyrǧasyna sol räsımnen estelık retınde eskertkış-taqta ornatyldy.
«Tūŋǧyş Prezidentımızdı ūlyqtau räsımı şyǧystyq dästürge de, batystyq örkenietke de jarasymdy, jaqsy öttı. Jaratuşy İemız de Şäkır aqsaqaldyŋ auzyna nebır qūnarly sözderdı salypty. El aǧalary Dmitrii Snegin, Qūddys Qojamiiarov, Eduard Airih, Ybyraiymjan Qojahmetov Sarai törınde Prezidentke erekşe sän-saltanatty şapan japty, el basşysynyŋ barlyq basqa da belgılerın syiǧa tartty» dep jazady Sauytbek Abdrahmanov.
Al Joǧarǧy Keŋestıŋ Mädeniet, tıl jäne ūltaralyq qatynastardy damytu jönındegı keŋes töraǧasy Äbış Kekılbaiūly qos tılde kösılıp söilep, Prezidentke tılek aitty. Nūrsūltan Nazarbaev aq kiızdıŋ üstınde tūryp, qolyn Konstitusiiaǧa qoiyp, ant berdı.
«Dana babalar dästürımen osy saltanatty sättegı sözımdı eŋ aldymen ata jūrtyma, qasiettı halqyma arnaimyn! Bügıngı kün – qazaq elınıŋ şejıresıne mäŋgı enetın kün. Tarihtyŋ talai būralaŋ belesınen ötıp, būl künge de jetıp otyrmyz. Bärın de körgen halyqpyz, bärıne köngen halyqpyz. Ejelden erkındıktı aŋsap, azamattyqty kökseumen kele jatqan elımızdıŋ basyna talai ret baq ta ornap, baǧy da taiyp, saǧy da synǧan, qily kezeŋ, zar zamanǧa da talai ūşyraǧan. Aiqailap jürıp aşarşylyqqa ūşyrap, ūrandap jürıp ūlt müddesın ūmytqanymyz da aqiqat. Şükır, keşteu de bolsa es jiyp, eŋse köterıp, egemendı eldıŋ tuyn da tıge bastadyq. Qazaq Respublikasynyŋ Prezidentın bükıl halyq sailaǧany – osy joldaǧy eŋ biık belestıŋ bırı. Eldıŋ qamyn oilaidy, namysyn jıbermeidı dep bırauyzdan senım artqandaryŋyz üşın şyn jürekten alǧysymdy aitamyn. Elım üşın, halqym üşın, Qazaqstanym üşın tarihtyŋ qai synaǧyna da täuekel dep bas tıguge daiynmyn. Būl jolda eŋ aldymen dana halqyma, darqan elıme, ata-babanyŋ aruaǧyna süienemın» dedı Prezident. «Däl osy sätte Sarai syrtynda aqsarbas şalynyp jatqan…» dep eske alady Sauytbek Abdrahmanov.
Osy tarihi oqiǧaǧa Myrzatai Joldasbekov te «Elınıŋ nūry, sūltany» atty maqala arnady. «Bärı de jinalǧan jūrtşylyqtyŋ kökeiınen şyqqandai boldy… Sol sättı esıme alsam älı de jüregım atqaqtap soǧa jöneledı. İä, söitıp tūrǧanda sahna törındegı memlekettık tudyŋ qūlap ketkenı. Köz aldymyzda qisaiyp bara jatyr… Kenet, o qūdıret, älgı qūlap bara jatqan tudy Prezident bır qolymen qaǧyp alǧany!.. Tu syrtynda tūrǧan tudyŋ qūlap bara jatqanyn qalai körıp qalǧany, sony qalai ūstap ülgergenı taŋǧalarlyq. Al endı osy jai adamnyŋ ısı me? Joq, būl jai adamnyŋ ısı emes. Sol oqiǧanyŋ simvoldyq mänı bar siiaqty bolady da tūrady maǧan. Nūrsūltan Nazarbaev, şynynda da, qazaqtyŋ jyǧyla jazdaǧan tuyn qaita tıktegen azamat… Saltanatty räsım bıtkennen keiın «Mynalaryŋ ne, dūrystap qaramaisyŋdar ma?» dep bır auyz sözge barmady. Soŋyra anyqtadyq: sahna şymyldyǧyn jabatyn tūsta jyldamdyq artyp qoiylypty da, auyr şymyldyqtyŋ samal lebı tutūǧyrdy qozǧap jıbergen» dep jazady M.Joldasbekov.
«Sonymen, halqymyz töl tarihynda özınıŋ Tūŋǧyş Prezidentın sailady. Eldıŋ aty Qazaqstan Respublikasy bolyp özgerdı. Endıgı qadam – Täuelsızdık jariialau» deidı Sauytbek Abdrahmanov. Arada bır aptadai uaqyt ötkende elımız aŋsaǧan azattyqty aldy. 16 jeltoqsan künı Prezident Nūrsūltan Nazarbaev «Qazaqstan Respublikasynyŋ Memlekettık täuelsızdıgı turaly» Konstitusiialyq Zaŋǧa qol qoidy.
