Raihan, gazet oqyrmany:
– Qazırgı kezde 16 jasqa tolmaǧan balalar şetelge şyǧarda äke-şeşesınıŋ tölqūjatyna suretı japsyrylady. Juyrda Işkı ıster ministrlıgı zaŋǧa tüzetu engızıp, balalarǧa jeke tölqūjat räsımdeitının estıdım. Būl ras pa jäne qaşan qoldanysqa engızıledı?
Būl saualǧa IIM-nıŋ resmi jauabyn ūsynamyz.
– Soŋǧy kezderı älemde terrorizm men ekstremizmge qatysty qūbylystardy baqylap otyrǧan köptegen elder öz şekarasynan ötetın adamdarǧa qoiylatyn talaptardy küşeitude. Älemdık qauymdastyq tölqūjattyq-vizalyq baqylaudan ötudı jetıldırıp, qūjatty är azamattyŋ biometrikalyq mälımetterıne sai beruge köştı. Mäselen, elımızden şetelderge äke-şeşesımen bırge baratyn 16 jasqa tolmaǧan balalardyŋ tölqūjatyn sūraityn memleketter (Şengen aimaǧyna kıretın europalyq elder, AQŞ, Bırıkken Arab Ämırlıkterı jäne t.b.) köbeiıp keledı. Qazaqstan Respublikasy azamattary basqa elderdıŋ şekarasynan erkın ötuı üşın IIM zaŋǧa tiıstı tüzetu engızedı. Būdan bylai şetelge balasyn alyp şyǧar kezde, olarǧa jeke tölqūjat räsımdeledı. Būl jaŋalyq 2019 jyldyŋ 1 qaŋtarynan bastap zaŋdy küşıne enedı.
