Gülbarşyn RAHİMBAEVA, elorda tūrǧyny:
– Taldyköl kölınıŋ maŋaiynda ornalasqan E-16 köşesınıŋ tūrǧynymyn. Jalpy, Taldyköldıŋ qoqystan äreŋ degende tazartylǧany bärımızge belgılı. Bıraq biyl qaladan şyǧarylyp jatqan qar osy jerge tasymaldanyp jatyr. Üiılgen qarǧa tūrǧyndar da tūrmystyq qaldyqtaryn töge bastady. Köktem şyqqanda būl jer taǧy da kül-qoqysqa ainalyp şyǧa keledı ǧoi. Nege qar qala syrtyndaǧy poligonǧa şyǧarylmaidy? Osynyŋ sebebın bılgım kelıp edı.
Oqyrman saualyna Esıl audany äkımınıŋ orynbasary Ruslanbek Qaibaqovtyŋ jauabyn ūsynamyz.:
– 21-22 qaraşa künderı Astanada qalyŋ qar jaudy. Esıl audanyna qarasty 15 million şarşy metr aumaqty tez arada tazartu kerek bolǧandyqtan, qardy Taldykölge töguge tura keldı. Öitkenı Qorǧaljyn tas jolynyŋ boiyndaǧy qaladan 10 şaqyrym qaşyqtyqta ornalasqan poligon batpaqty aimaq bolǧandyqtan, sol uaqytta künnıŋ jylylyǧyna bailanysty qar tasymaldau mümkın bolmady. Sondyqtan Taldyköl aumaǧyna qar 21 qaraşa künı keşkı saǧat 20.00-den 22 qaraşa 13.00-ge deiın tasymaldandy.Artynşa poligonǧa baratyn jol retke keltırıldı. Būdan bylai qar tek qala syrtyndaǧy poligonǧa tasymaldanatyn bolady.
