Bügın Astana qalasynyŋ Almaty audandyq Ardagerler keŋesı ötken jylǧa esep berıp, 2024 jylǧa josparyn bekıttı, dep habarlaidy astana-akshamy.kz.
Jiynǧa Astana qalalyq ardagerler Keŋesınıŋ töraǧasy Sansyzbai Esılov pen Almaty audany äkımınıŋ orynbasary Nūrmat Abdraimov qatysty. Keŋestıŋ 4 plenumynda aldymen Almaty audany ardagerler Keŋesınıŋ töraǧasy Marat Mūstafinnıŋ ötken jylǧy jūmystar boiynşa esebı tyŋdaldy.
-Qazırgı taŋda bızdıŋ audanda 32406 zeinetker tūrady, sonyŋ 8 myŋnan astamy Keŋeske tırkelgen. Olar 66 bastapqy ardagerler ūiymdaryna bırıkken. Sonyŋ ışınde 4 zeinetker – Ūly Otan soǧysynyŋ ardagerı, 257 adam – tyl eŋbekkerı, 35 adam – jalǧyz tūratyn zeinetkerler. Bızdıŋ būl baǧyttaǧy jūmysymyz qoǧamnyŋ qarbalas tırşılıgıne belsene aralasyp, mezgıl-mezgıl jastarmen kezdesıp, baspa betterınde öz oi-pıkırlerımızdı jazyp, ömırlık parasatty aqyl-keŋesterımızdı berıp, önegelı ömır talpynysyn ortaǧa salu, – dedı öz baiandamasynda Marat Mūstafin.
Sonymen qatar ol audandyq ardagerler Keŋesınde äleumettık-tūrmystyq mäseleler boiynşa ünemı qabyldau jürgızıletının jetkızdı. Byltyr ardagerler tarapynan 1000-nan astam ötınımder kelıp tüsken. Olardyŋ bırazy tıs protezdeu, sanatoriia-kurorttyq emdelu, jeŋıldıkpen gazetterge jazylu, konsertterge tegın bilet alu jäne azyq-tülık paketterıne qatysty boldy.
– Öner dese ışken asyn jerge qoiatyn egde jasty eŋsergen aqsaqaldar men äjeler toptasqan audanymyzdaǧy «Elorda» halyqtyq hory, (jetekşısı Düisenova Ümıt Älıbekqyzy), «Arqa äuenderı» halyqtyq ansambılı (jetekşısı Janūzaqova Kenjetai Erǧaliqyzy), «Ädem-au» ansambılı (jetekşısı Taǧybaev Jaldybai Baiǧaraūly), qala mekemelerınde, mektep sahnalarynda tamyljyta än salyp, qūiqyljyta küi kümbırletıp halyqymyzdyŋ önerın nasihattauda. Byltyrǧy jyly «Arqa äuenderı» ansambılınıŋ 10 jyldyǧyn, «Elorda» halyqtyq horynyŋ 15 jyldyǧyn audan bolyp atap öttık. Būl ıs-şara qalalyq, respublikalyq basylymdarda jaryq körıp, teledidar arnasynan körsetıldı. Būl daǧy qartarymyzdyŋ eren eŋbegınıŋ jarqyn körınısı dep esepteimın, – dedı spiker.
