Ötken aptada Ükımetten bastalǧan #Birge #TazaQazaqstan ekologiialyq aksiiasy keŋ kölemdegı respublikalyq şaraǧa ainalyp, Nūr-Sūltan qalasynda jalǧasyn tapty. 27 säuır künı ötken qalalyq ekoaksiiaǧa 5 myŋnan asa adam qatysty. Olardyŋ arasynda: qoǧam qairatkerlerı, memlekettık qyzmetşıler, jastar, erıktıler jäne qarapaiym tūrǧyndar boldy. Ekologiialyq aksiia qalanyŋ tört jerınde: Maibalyq kölınıŋ, Esıl jäne Qarasu özenderınıŋ jaǧasynda, Viacheslav su qoimasynyŋ aumaǧynda öttı. Jalpy ızgılıktı şara barysynda 16 tonnadan astam qoqys jinaldy.
«Kün demalys bolǧanyna qaramastan, köptegen adamdar ekologiialyq aksiiaǧa qoldau bıldırıp, qala aumaǧyn qoqystan tazalauǧa kömektestı. Izgı bastamaǧa beijai qaramaǧandaryŋyz üşın barşaŋyzǧa alǧys aitamyn! Bız tabiǧatty qorǧauymyz kerek. Öitkenı taza auada demalǧandy ūnatamyz. Sol sebepten qorşaǧan ortany ärqaşan taza ūstauǧa mındettımız. Tazalyqty özımızden bastaiyq!» dep ündeu tastady Nūr-Sūltan qalasynyŋ äkımı Altai Kölgınov. Atap aitarlyǧy, elorda äkımdıgı osyndai ekologiialyq ıs-şaralardy tūraqty türde ötkızudı josparlap otyr.
Ekologiia, geologiia jäne tabiǧi resurstar ministrı Maǧzūm Myrzaǧalievtıŋ bastamasymen ıske asyrylǧan #Birge #TazaQazaqstan atty aksiiany Memleket basşysy Qasym-Jomart Toqaev ta bırden qoldady. Būl turaly Prezident özınıŋ Tvitterdegı paraqşasynda: «Ükımet pen azamattyq qoǧamnyŋ bastamasy boiynşa bükıl el aumaǧynda jalǧasqan ekochellendj qozǧalysyn qoldaimyn. Elımızdı tazalyq jürgızetın aumaqqa ainaldyramyz. Bırge – Taza Qazaqstan! Jaraisyŋdar, erıktıler!» dep jazdy. 
Is-şaraǧa Ükımet müşelerı de qatysty. Solardyŋ bırı Eŋbek jäne halyqty äleumettık qorǧau ministrı Berdıbek Saparbaev mūndai senbılıkter bızdıŋ bırlıgımız ben yntymaǧymyzdy körsetetının aitady. «Senbılıkke köpşılıktıŋ qatysuy öte quantarlyq jait. Äsırese, jastardyŋ köp boluy bırden eldıŋ nazaryn audarady. Būl şara – bızdıŋ bırlıgımızdı, yntymaǧymyzdy, Qazaqstannyŋ damuyna degen erekşe közqarasymyzdy körsetedı» deidı Berdıbek Mäşbekūly.
